南丫島 --> 索罟灣一日遊 + Outback Steakhouse @ 銅鑼灣 (PART 2/2) ( 6-DEC-2014 )

Part 2/2

好喇   繼續行   行到個亭就抖陣先   里奧大人就自己周圍影 ~

我始終都係覺得有欄杆係安全 d 

粒粒雲好靚呀

我都話有雪條賣架啦   里奧大人唔記得   我仲話喺呢度同阿表影相   我仲企喺嚿大石上面扮高添

我無行前影呀   要抖抖呢   如果我喺度   一定唔會比里奧大人好似佢地行咁開影相架

我就係坐呢 d 櫈呢   得我同 d 阿婆坐咋   嘩哈哈哈哈


行呀下   影呀影   再行呀行   之後去到唔知邊   咁抖陣飲啖嘢啦   里奧大人無啦啦拎部電話出黎睇個船表   點知原來 5 點 35 分開船呀   如果 miss 呢班船就要等到 7 點 35 分先有船呀   咁我話快行喇 ~

望住個海   真係。。真係好舒服   呢張好似海天一色咁 

好似跳緊絲帶舞咁呢


見到 d 人細細粒   即係仲有排行啦   哈哈

就係企喺度影相   順便飲啖茶   咁里奧大人拎部手機出黎睇船表    點知一睇   有班船喺 5 點 35 分會開出   之後急步行喇


行咁快   唔理我添

好多人都開始急步行喇   哈哈

天黑 lu 

有 pair 男女同 1 個女仔好明顯係唔識路   見我地行就跟住我地   最搞笑係我同里奧大人行得勁快   唔知佢地會唔會以為我地驚佢跟住   所以行得勁快呢   哈 ~

去到碼頭係 5 點 30 分   yeah   不過已經有好多人排隊囉   好感恩我地上到船咋   同埋有孖位坐呢 ~

到碼頭喇   左邊

再火紅 d 就更好

右邊

之後里奧大人話諗住搭唔到呢班船   因為驚我行得慢   又唔想我咁辛苦   不過我話無問題   神會加力給我嘛   所以實會趕到去碼頭呢 ~

搭地鐵去銅鑼灣食嘢   去 Outback 博一博啦   估唔到有位   感恩呀 ~

黑糖包真係好好食   百食不厭

Caesar Salad ( 伴菜 )

燒肉醬豬肋骨及烤雞拚盤 ( Chicken and Rib Combo ) - 份量好巨好巨   下次兩個人一定唔會叫黎食

拎開半隻烤雞再影   份豬助骨都好巨噃   

燒肉醬好好味   d 肉又 juicy

伴菜係 "焗甜蕃薯" & "薯條" 

焗甜蕃薯好味呀   我連皮食架

薯條都好食   香口嘢好難話唔好食   哈

雲呢拿雪糕朱古力軟餅 ( Chocolate Thunder from Down Under ) - 呢個先係我地嘅主菜   因為次次去 Outback 呢   最想食就係呢個甜品喇

好掛住家姐囉   因為 3 個人食就最 perfect   唔駛咁爆肚

一邊凍一邊熱   正呀 

食到好鬼飽呀   所以行去希慎睇下 GAP 有無啱心水嘅嘢買   不過睇唔啱   所以搭地鐵走 lu   里奧大人話驚我攰   所以去到油麻地轉車   實有位坐呢 ~

番到屋企即沖涼喇   之後做腳按摩   今次對腳完全唔痛喎   仲驚住會勁痛添 ~

11 點瞓喇   今日行咗成日   要早 d 休息   哈 ~