潮式椒醬肉 - 我好鍾意食架 不過家姐就唔太鍾意食有豆板醬嘅嘢 佢只愛指天椒嘅辣 @@
韭菜豬紅 - 媽咪要食呀 我聽到經過嘅男人叫呢碗做 " 豬菜生紅 " 笑死我
滷水拚盤 - 樣樣有 d 不過媽咪同家姐都話以前嘅潮館好食 d 喎 果時佢地就成日黎 我無去架 所以比較唔到 哈
蠔仔肉碎粥 ( 窩 ) - 我鍾意食架 最緊要落埋胡椒粉 好味好多呢
細細隻蠔仔 今次無咩蠔仔咁呀
馬蹄綠豆爽 - 無味嘅
( 8-DEC-2014 MON - S/L )
今日要去覆診 所以里奧大人就請假黎陪我呢 順便清埋假 呵 ~
唔記得熄鬧鐘 所以 7 點半響咗 嚇鬼死 哈哈 不過今朝都要 9 點 45 分起身喇 唔想咁趕 ~
食完早餐就番屋企沖涼 抖陣就出門口 lu 今日好熱呀 但遲兩日又話凍喎 ~
搭地鐵去尖沙咀 里奧大人去 Canon 問嘢 我就自己去診所先 去到啱啱好 12 點 里奧大人差唔多 12 點半到 佢仲話無咩人 以為我好快有得睇 我話 d 人出哂去咋 哈哈 ~
雖然 book 咗 12 點 但我都要等到 1 點先到我囉 ~
搞掂哂都差唔多 1 點 15 分 咁我地又未餓 所以周圍行下睇有咩嘢食 行到差唔多 2 點半 里奧大人話開始餓喇 咁去食印尼菜啦 咁啱呢間下午茶時間係 2 點半開始 都唔錯喎 ~
我鍾意呢 d 燈
我地上到佢見到得一枱客 仲以為落場添 之後佢叫我地入去坐 其實無人都唔錯架 因為好靜 點知員工多過客 仲要佢地傾計又大聲 最驚係咁
呢個係餐 有絲苗白飯兩碟 食幾多就比幾多 唔夠食可以再添 都唔錯丫 唔駛嘥嘢
雞肉沙爹 - ok 啦
煎粟米餅 - 我想食好耐架喇 不過唔脆嘅 但里奧大人話我地太遲先食喎
馬拉盞炒通菜 - 好鹹呀 @@
咖哩牛腩 - 但呢個又無味 想點呀 哈哈
綠豆冰 / 珍多冰 - 因為係餐 所以好細杯 umm 唔知係咪落咗椰糖 d 味道好怪咁 我已經要小甜 但都好鬼甜 飲到我有 d 反胃添
綠色蚯蚓 嘻嘻
好舊式餐廳嘅字體
食完就去尖東攞喼 之後搭地鐵番九龍灣 我最怕冬天搭地鐵 因為一入地鐵站入面就已經好鬼焗 車廂又係好鬼焗 我焗到好眼瞓同鼻塞添呀 ~
番到屋企都已經 5 點 抖陣就煲菊花茶 差唔多 6 點又要出發 咁兜埋媽咪一齊去 陪埋媽咪去奇華拎餅 之後去潮館 lu ~
媽咪要去洗手間 咁我就企喺洗手間出面等佢 不過最後我又去埋啦 見到有個背影好熟面口嘅人排緊隊 原來係家姐 ~
今晚當做冬啦 唔想成日都咁遲 哈哈 ~
7 點食到 8 點幾 咁媽咪又整咗餸又買咗生果比我同家姐 咁家姐去洗手間 所以工人幫佢拎袋嘢啦 之後搭 lift 家姐好緊張問工人袋嘢呢 ?! 之後我話咪佢自己繞住喺手囉 痴線 佢話有時戴住眼鏡 會問人地佢對眼鏡喺邊添 @@
夜晚落毛毛雨 所以又有 d 凍喇 ~
番到屋企即沖涼 之後睇 " 警界線 " 喇 真係好好睇呢 ~
10 點幾睇聖經 睇完都 11 點 要瞓喇 今日有 d 攰 ~
沒有留言:
發佈留言