鹹蛋蒸肉餅 + 西洋菜豬爭湯 ( 15-DEC-2014 )

( 15-DEC-2014  MON )

呢排都係瞓到半夜三更熱醒   但瞓上床果下係好凍架喎   無理由冚冷氣被丫   但冚羽絨呢   瞓瞓下好熱   唉 ~

早餐食熱狗   好耐無食   覺得好好味 ~

番到菇場要即做 report   搞掂哂都可以 hea hea 地咁過呢   好耐無試過咁喇 ~

Lunch 出去食   食完就行下超市   之後就幫里奧大人拎條褲去改褲腳   搞掂哂就番菇場 lu ~

其實菇場有手尾要執   不過真係好鬼煩   今日唔係咁好狀態   所以唔做住   因為要好有心機做呢   哈 ~

無啦啦又忙咗陣   搞掂又差唔多放工喇 ~

今晚媽咪叫工人拎湯比我   我放工都要即番屋企啦   媽咪又比埋臘鴨同生果比我   不過我就叫佢真係唔好再買魚同整餸比我   我想整自己鍾意食嘅嘢呢 ~

差唔多 6 點 20 分就出去徑步   徑咗半個鐘就番屋企 lu   沖埋涼先食飯   最鍾意咁樣 ~

是日懶餐 - 鹹蛋蒸肉餅 + 西洋菜豬爭湯  

鹹蛋蒸肉餅 - 呢期唔知點解好想食肉餅   我不嬲最唔鍾意啖啖肉家嘛   我蒸鹹蛋肉餅多數會加隻皮蛋   8 卦話未聽過咁喎   我仲衰   話呢個肉餅叫雙色肉餅   佢話點雙色   我話三色蛋聽過未   佢話三色蛋無豬肉架喎   之後諗諗下我唔知點解我話叫雙色肉餅   所以答佢是但啦   唔好再問   哈哈 ~   

西洋菜豬爭湯 - 媽咪話煲湯嘅豬爭好好好好味喎   所以係都要比我   不過有時我唔想飲   都想里奧大人有啖湯水啦   但我同媽咪講話用豬爭煲 d 湯好油囉   下次唔好再煲喇 ~ 

里奧大人 8 點幾先放工   好在番到黎唔駛做公司嘢咋 ~

洗埋碗就可以坐定定睇電視喇   套 "來生不做香港人" 都幾好睇 ~ 

睇完抖陣就睇聖經   今晚勁攰呀   11 點唔夠就瞓 lu ~