大家樂 @ 官塘 ( 19-DEC-2014 )

雙份美國穀飼牛火鍋 ( 沙爹湯底 )

豬肉丸拚豆腐袋 / 魚肉腐皮卷

紐西蘭西冷牛扒拚司華力腸 

四寶飯

( 19-DEC-2014  FRI )

今朝里奧大人 10 點喺九龍灣見客   所以又陪我食早餐呢   咁近近地太興啦   依家佢地 d 早餐又加多 $1   上個月先加咗 $1   今個月又加 $1   都加得好密下噃 ~

落毛毛雨呀   所以真係覺得凍呢 ~

番到菇場唔太忙   實在太好喇 ~

Lunch 食紅豆沙   因為呢兩晚都無時間食   所以做 lunch 啦   初初諗住唔飽   咁買定個餐包   但原來食紅豆沙都好飽下   食到一半已經唔想食   但唔想嘥   所以慢慢慢慢咁食   食到有 d 驚   哈 ~

之前成日食酸辣米線   d 同事見親我買嘢就問係咪食米線   阿齋 lunch 之前 skype 問我有無帶飯   我話帶咗紅豆沙  咩料   佢話今日佢去買我最愛食嘅嘢   幾衰呀引我   仲同我計埋   我差唔多 2 個月無食添呀   不過耐無食   已經唔記得佢添喇   哈 ~

無啦啦條脷側邊生痱滋   真係食嘢都有 d 辛苦   好在之前買咗 pack 清熱酷喺菇場   即沖黎飲喇   希望有 d 幫助 ~

好嘢   可以 hea 住等放工   今日唔想忙呀   想準時走   因為約咗媽咪食飯嘛 ~

今晚去大家樂   邊食邊等家姐   佢今晚要 7 點幾先到 ~

原來好大雨呀   無諗過會落咁大雨囉   好在有帶遮咋   同家姐去萬寧買完嘢就番媽咪屋企坐   坐到差唔多 8 點半走 lu ~

家姐送比我同里奧大人嘅聖誕禮物   佢話好得意喎   打邊爐最好   兩隻耳仔裝豉油同辣椒   我話里奧大人成日話自己鍾意食菜   唔鍾意食飯   呢個米奇兜都唔錯   兩隻耳仔裝飯   塊臉就裝哂 d 菜   成日話鍾意食菜丫嗱

里奧大人今晚 8 點放工   買車仔麵番屋企食   好似好好味咁   可能凍呀   見到 d 熱嘢好想食呀   哈 ~

沖完涼就即開機洗衫   搞掂哂都 11 點幾   又唔係話好眼瞓   不過都要瞓 lu   聽日要番工 ~