芥蘭炒臘肉 + 大眼雞 + 淮山當參山斑魚湯 ( 12-DEC-2014 )

太心急拻皮   拻得唔乾淨   哈

( 12-DEC-2014  FRI )

今朝 14 度咋   濕度得 56%   唔怪得尋晚洗完機衫   今朝差唔多乾哂啦 ~

菇場唔太忙   但就多濕濕碎碎嘢整囉 ~

Lunch 出去食   我叫牛丸米   佢黎咗牛展   仲話牛丸同牛展差唔多音添   我講咗 2 次牛丸家嘛   又唔係講牛 "演" 米   口型都唔同啦   我又無鄉音   不過見佢地都唔好意思咁   我就唔換啦 ~

食完行陣   次次食完粉再行呢   係覺得熱添呀   要除褸囉   唔係出哂汗都似 ~

我依家散光勁咗   一隻 100 一隻 150   所以有時睇嘢都濛濛地   咁頭先行街   前面 d 嘢真係濛得好犀利   維持咗幾秒   原來係前面 d 人食煙   哈哈   仲以為濛成咁添 ~

去完阿信屋買嘢就番菇場喇   番到佢已經要開工 lu ~

做到差唔多 4 點就搞掂   可以抖下喇 ~

去埋養和堂拎龜苓膏就番到屋企喇   放低袋就即刻預備晚餐   因為想去徑步 ~

今晚 7 點煮好哂嘢   咁諗住食啦   里奧大人就打黎話放工   咁我就等埋佢一齊食啦 ~

阿信屋今日會員有 8 折   原價 $25   折咗 $20 咋   所以送比里奧大人做聖誕禮物   哈

是日晚餐 - 芥蘭炒臘肉 + 大眼雞 + 淮山當參山斑魚湯 

芥蘭炒臘肉 - 我鍾意食芥蘭架   不過里奧大人就麻麻地   所以好小買黎食   但炒臘肉真係要配芥蘭先好夾囉   咁甜豆都好夾   但里奧大人就更加唔鍾意食甜豆   煩 ~  

大眼雞 - 媽咪喺我休養果時買架   但留到依家先食   仲有 1 條喺冰格   所以同媽咪講真係唔好再買嘢比我   因為我自己買果 d 都要食   唔係又到期架喇 ~

淮山當參山斑魚湯 - 媽咪煲架   我只會煲紅衫魚同大眼雞湯   因為佢地 d 樣無咁恐怖   哈哈 ~

搞掂哂   9 點 15 分同里奧大人一齊出去徑步喇   其實都幾凍   所以 9 點 45 分就徹退喇 ~

沖埋涼就抖喇   睇埋新聞就瞓覺 lu ~