2014年12月25日星期四
大家樂 @ 官塘 ( 25-DEC-2014 )
( 25-DEC-2014 THU )
今朝 9 點已經醒咗 不過懶床到 9 點半起身先 咁里奧大人就 10 點起身喇 ~
上星期諗好咗今日去行山 點知落毛毛雨 睇黎仲要係長命雨果隻 丫 我個心都落緊雨喇 嗚嗚 ~
好在里奧大人會有 PLAN A 同 PLAN B 所以可以即轉 PLAN 哈 ~
落去食早餐 之後番屋企沖涼 抖陣 差唔多 12 點就出門口喇 ~
五香肉丁好辣呀 @@
搭巴士出旺角 點知勁塞車 1 點先出到去旺角 好後悔無搭 van 仔呀 ~
里奧大人決定自己買 Note 4 咁將部 Note 3 比家姐 家姐最開心啦 佢一早講好話如果里奧大人唔要部 Note 3 就比佢 佢咩都要 哈哈 家姐次次都用里奧大人二手嘢 但如果作壞嘅就唔會比佢嘅 靠害咩 哈 ~
其實我本身諗仕買部 Samsung Grand 比家姐 好似都係 $2300 左右 咁叫做新機嘛 咁里奧大人話佢比部 Note 3 家姐好過 佢又可以買新機 一舉兩得 咁是但啦 我對手機無咩研究 好唔好真係唔知架 次次都係里奧大人買咩比我 我就用咩架喇 ~
去咗星際買 Note 4 同 1 張 SD Card 之後我又買埋相機套 再行一陣 原來都 3 點 咁就要快 d 去食嘢喇 今日好忙 要好好利用 d 時間 ~
我嘅豬軟骨小鍋米線 ( 小辣 ) - 上次食小辣係唔酸唔辣 咁依家黎講就啱哂我啦 唔想咁刺激
里奧大人嘅紫菜豬腩肉小鍋米線 ( 中辣 ) - 我同里奧大人講話小辣無味 佢都認同架 所以佢叫中辣 點知今次好辣 哈哈 本身佢飲凍檸茶架 後尾佢再叫多杯凍奶茶解辣 仲飲哂成杯 勁呀
之後即搭的士去深水埗探媽咪朋友 fat fat 因為我買咗條頸巾比佢 同埋順便比個福字月曆比佢呢 去到都 4 點 lu 咁坐陣傾下計 5 點走 lu ~
同里奧大人再去埋高登睇喇叭 之後佢又買多張 SD Card 話平過頭先買果度喎 車 佢咪一樣買買買 ~
買完即搭地鐵去官塘喇 今晚約咗媽咪同家姐食嘢 不過要里奧大人推媽咪 其實媽咪行到嘅 但落雨濕濕 咁佢又會行得慢 所以叫里奧大人推就最好 可以快好多 哈 ~
咁啱我地同家姐都 6 點半到大家樂 去到啱啱有位 好感恩呢 ~
食食下嘢 家姐無啦啦話姐夫唔想要部紅米 想轉部細 d 嘅電話 咁將部紅米比家姐 我同里奧大人聽完之後都驚啦 特登買部 Note 4 之後將部 Note 3 比家姐家嘛 所以我同里奧大人同家姐講 話我地幫妳睇有咩電話 妳地唔好買住 哈 ~
食完就番媽咪屋企坐陣 8 點幾走喇 家姐車我地番屋企 咁樣快好多 ~
番屋企即沖涼 之後叫里奧大人都好即沖涼喇 因為今晚要飲 Baileys 里奧大人強調話 係 17% Alcohol 我話我後生都成日飲啦 懶勁話咖啡奶之嘛 不過依家年紀大喇 飲咗幾啖呢 成身火熱 又酒精上腦勁眼瞓 我又衰喎 無加冰 之後都頂唔順即刻雪幾粒冰 唔係真係飲唔到 好啦 咁我再飲幾啖啦 整頭有胃酸倒流感覺 真係唔知心口定個胃勁痛 個背脊又勁痛 果一刻我直頭想話入醫院添呀 痛到呢 好在企一陣之後無咩事咋 ~
飲杯酒啫 都好似好辛苦咁 嘩哈哈哈哈哈哈哈 仲有大半枝點算好呀 ~
其實咖啡酒都好特別 酒精會令人眼瞓 但咖啡又會令人提神 咁所以頭先有 d 眼瞓 之後鬼打咁精神 所以今晚 1 點先瞓到呀 好在聽日放假咋 ~
訂閱:
發佈留言 (Atom)
沒有留言:
發佈留言