三文魚刺身好多筋呀 壽司飯唔掂 串燒好鞋好韌 咁諗住飲碗熱湯抵底 碗龍蝦湯鹹到呢 之後問兒生女 佢都話好鹹呀 食第一碟咋 已經知出事 哈哈
呢碟係里奧大人架 之後佢食 d 咩都無影 lu
蒸石斑魚 / 日式煮牛扒 - 兩樣都好 "鞋 " 牛扒仲要好韌添 @@ 仲衰過我煮 嘩哈哈
椰菜仔 - 食到最後苦嘅 @@ 但上網睇睇過人地話煮椰菜仔食 最後係有苦味
片皮鴨 - 大塊到呢 又係好 "鞋"
翡翠螺多沙 凍蝦係霉嘅
雖然知道壽司飯難食 但勁想食黃蘿蔔 所以先食咋 食埋呢碟之後 我無拎過任何嘢食 lu 我真係覺得所有食物都唔掂呀 其實我家姐都話呢間好難食 佢對呢間好有印象 因為佢朋友話請佢食自助餐 家姐勁鬼開心 點知呢間係咁難食囉 佢講嘅時候都 "乸" 埋哂塊臉架 依家真係好明白佢當時感受啦 哈
無嘢好食 影下蛋糕咁啦
想食蛋白餅好耐 不過有 d 硬 肚臍餅果粒糖仲好味 嘩哈哈哈 真係咩料呀 無樣好食都好難得下喎
馬卡龍 擺喺凍柜入面 因為係雪糕餡 我覺得全場最好食囉 食咗 2 個 仲有食咗 "蝦根" 雪糕 因為有我鍾意嘅焦糖味 但就好難 "北" 所以里奧大人幫我 "北" 咗半個雪糕匙咋
每人送 2 隻生蠔 - 大隻就大隻 但唔係咁新鮮咁 唔係脹卜卜嘅
火焰雪糕 - 人圍我圍啦 之後我係咁嘩嘩聲 好玩呀 哈哈 因為 d 細路又跟住嘩嘩聲 勁搞笑
我 d 兒生仔女唔知我影到火燒呢刻 係咁講 "舅母妳影慢咗喇" 我話得喇 依家全場都知我影慢咗喇 哈哈
火燒後欄 哈哈
( 20-DEC-2014 SAT )
今朝家姐要去銀行搞嘢 所以尋晚就約定我食早餐 所以 7 點半起身 lu ~
咁我依家無哂數據 無得 whatsapp 咁就要用訊息聯絡啦 咁我 7 點 54 分開電話見到有訊息 見到家姐嘅訊息話已經到寶達 咁 8 點一定到唔到淘大 Delifrance 咁即打比佢 問佢邊度落車 佢話九龍灣地鐵站 咁我話轉去 Oliver's 食早餐 反正佢又送我坐車番工 咁唔駛佢行黎行去嘛 ~
咁我到德福廣場 見到前面個女人見褸好熟面口 之後再望佢個袋 原來係家姐 因為好小見佢行得咁慢 所以無諗過係佢囉 ~
咁我去叫早餐啦 叫完就同家姐講 佢都好快到德福喎 佢話唔算快啦 我話 5 分鐘咋喎 佢話咩呀 到寶達嘅時候係 7 點 45 分 到德福係咁上下啦 我話妳比我嘅訊息時間係 7 點 54 分喎 佢以為我講錯同睇錯 咁即比佢睇啦 真係 7 點 54 分 send 比架喎 原來訊息係用開機時間黎計嘅 咁就唔係咁好啦 如果我 8 點幾開機已未落樓 咁家姐咪等到傻 ?!
同家姐食下講下 9 點鐘即走 好在一落去就有 van 仔 9 點 15 分番到菇場 ~
頭先開咗支喺泰國買嘅潤唇膏 搽完之後覺得甜甜地幾好味 比家姐搽下 佢話都好味 咁比佢啦 咁番到菇場照下鏡 個咀唇好似有 d 紅色 個樣當堂好精神咁 之後無耐家姐打黎 問有無發覺個咀唇好紅 我話有呀 咁我之前唔 mark sure 個 sales 係咪講呢支潤唇膏有色 咁依家終於知係有色啦 最搞笑家姐話佢照鏡時個咀勁紅 好似發燒咁 講講下又幾似發燒 哈哈 ~
菇場唔忙呀 其實係有嘢唔願做 因為真係好無 mood 呀 ~
放工即走喇 搭 van 仔去 Mega Box 估唔到同里奧大人差唔多時間到 實在太好 唔駛等黎等去嘛 ~
去咗 Aeon 拎積分表 再行一陣就去食嘢喇 ~
豬骨湯拉麵
韓國泡菜豬肉鍋定食 仲以為無咩湯添
都幾辣 送飯一流 嘩哈哈 我覺得講送飯一流 好似男人咁
今次里奧大人倒得靚 d 無倒瀉
上次話里奧大人論盡倒瀉哂 原本真係會倒瀉 哈哈
食完去超市買嘢 好感恩想買嘅嘢都做緊特價 仲要有 95折 感覺好似抵好多咁 最開心係買到張 Casablanca 嘅 B-DUCK 厚身珊瑚絨被 因為屋企得張薄身嘅珊瑚絨被 想買張厚身囉 最鍾意 d 質地係滑雪雪 又 soft 勁正呀 ~
再買埋枕頭就搭 shuttle 番屋企 都已經 5 點 lu 抖多 1 個鐘就出門口喇 去到巴士站即有巴士 好感恩呢 ~
我同里奧大人食完雞煲邊爐之後就生瘀滋 到依家都未好番 要清下 d 熱氣
$168 送隻杯 仲要 95折 真係唔買唔得囉 今次講明聖誕節一定要飲呀
大三角朱古力 - 我叫里奧大人送比我食 因為我細細個嘅時候 爸爸成日買比我同家姐食架 兒時回憶呀 咁我同里奧大人講話好想喊 佢即刻話佢成日送嘢比我架啦 我話唔係因為你送嘢而想喊 係我好掛住爸爸想喊咋 懶叻 我之前已經買咗 pack 迷你 分咗一半比媽咪 今次就分咗 d 大三角比家姐
之前我買咗 1 包比里奧大人 $36.9 都算抵 點知依家 Aeon 買 $25 定 $26 我即刻顛咗啦 我話要買 1 包"鄧" 番勻條數呀 之後里奧大人話買 2 包啦 咁樣我會好過 d 哈哈
今晚里奧大人屋企做冬 Book 咗 6 點半富豪食 Buffet 因為可以坐耐 d 咁酒樓多數得個半鐘 次次都無時間傾計 同埋特別趕咁 一黎就黎幾個餸 好似想妳快 d 食完快 d 走咁 唔係咁鍾意囉 ~
食下傾下 今年佢地仲搞埋抽獎添 就係每 1 個人抽 1 個 number 咁抽到份禮物呢 就將份禮物比另 1 個人 到抽第 3 個抽獎時 其中一個兒生女見有人抽到份禮物係曲奇餅 就係咁話比舅父舅母 哈哈 我話想要嘛 佢好乘架 好記得有次燒嘢食 我叫里奧大人燒塊麵包比我食啦 佢燒到燶哂 我咪發脾氣話佢囉 之後兒生女無啦啦比塊燒得好靚嘅麵包比我呀 當時佢無話燒比我架 但佢睇到我話里奧大人囉 所以呢個兒生女係好細心 我果次做完手術 佢黎探我 我按住傷口想咳 佢已經企身拎杯水比我喇 里奧大人就掛住傾計 都係女仔細心 d 哈哈 ~
之後里奧大人同我講 話晴晴要寄聖誕禮物比我地 但原來係想寄錢比我地呀 因為佢幫人補習 賺到 d 錢就分哂比 daddy 媽咪姨媽舅父舅母呀 真係勁乖 咁當然唔可以寄錢啦 份禮物實永遠收唔到都似 哈哈 其實佢有呢份心意 我地已經好開心好開心架喇 ~
我抽到芒果乾 里奧大人抽到燕麥曲奇 Ritz 餅係 3 姑奶 佢話唔食 咁我要埋啦 嘩哈
我今次買咗頸巾送比爺爺麻麻同埋姑奶 佢地勁開心呀 因為無諗過我會送禮物比佢地嘛 其實我都驚佢地唔黎 但又唔想問姑奶 驚姑奶講比爺爺聽嘛 咁就無哂驚喜呢 ~
話咁快就 9 點半 lu 我地同大姑奶坐的士走喇 ~
番到屋企即沖涼 睇陣電視 12 點先瞓 ~
沒有留言:
發佈留言