香菇肉醬 + 蒸撻沙 + 粟米蛋花湯 ( 7-DEC-2014 )

( 7-DEC-2014  SUN )

尋晚 12 點幾電話無啦啦響   嚇鬼死   又係 d 無聊電話   d 人真係好賤好無聊囉 ~

里奧大人話比電話嚇醒之後瞓唔番呀   咁佢上網睇嘢   睇到差唔多 3 點先瞓呀 ~

我 8 點半醒咗   都精神   所以起身執下嘢同 load 相   里奧大人就瞓到 9 點半起身喇 ~

去太興食早餐   番到屋企抖陣就沖涼   之後番教會喇 ~

完畢之後就番屋企 lu   今日去舖頭   所以 2 點就出發喇 ~

食埋 tea 就上 3 姑奶屋企坐下   之後就番屋企 lu ~ 

雖然想喺假期盡量唔飲奶茶   但覺得假期飲奶茶係覺得好 relax 咁囉   

估唔到有 2 隻雞翼   同埋有 1 隻都幾大隻

里奧大人至愛嘅午餐肉炒麵

里奧大人做咗陣公司嘢   差唔多 5 點半佢就瞓晏覺   我就開機洗衫同 load 相喇 ~

6 點半煮飯   里奧大人就差唔多 7 點先醒   咁等多半個鐘都可以食飯 lu   今晚 d 餸勁簡單   哈 ~   
是日懶餐 - 香菇肉醬 + 蒸撻沙 + 粟米蛋花湯

香菇肉醬 - 細細個成日食架   果時覺得好辣   依家就覺得係得個鹹字囉 ~  

蒸撻沙 - 媽咪之前買架   又係新鮮變冰鮮 ~  

粟米蛋花湯 - 懶得去買菜   所以開罐粟米湯算喇 ~

搞掂哂就抖陣   同里奧大人 9 點幾出發去徑步   點知落緊毛毛雨   好似落得幾密咁   咁唔徑啦   去 Taste 行過圈   點知番到屋企樓下都無雨嘅   里奧大人話我黑住佢呀   佢本來想自己再去徑步   不過都 9 點半   佢話番屋企算喎   哈 ~

咁我都沖涼喇   之後 load 相   佢就睇電視   抖多陣再食橙   呢期差唔多晚晚食橙   好在 d 橙都甜   唔係就慘喇   我最驚食酸嘢 ~

痴咗線呀   load 相 load 到 1 點   要即瞓喇 ~