呢嚿嘢好好食 唔知係咪魚腐呢
A 級安格斯肥牛
手唧蟹籽麵
蟲蟲煲
真係好似蟲
今次個唧袋個口好細 所以要用好多力去唧 咁唧哂之後 我發覺自己對手超污糟 d 手指係啡啡黃黃咁 好似拻完栗子咁 之後再望下個唧袋 d 字甩哂呀 哈哈
用濕紙巾抹手 成張紙巾變哂色 勁呀
今朝 11 度咋 又唔係話好凍好凍 可能之前幾日有 d 熱啦 ~
隻左手好痛 仲以為自己瞓埋一邊所以痛 之後諗諗下應該係尋晚買餸拎得太重啦 ~
勁餓呀 早餐要食腿蛋治呀 ~
菇場忙呀又 尋日先諗定今日要執好哂 d 手尾 點知又忙喎 執極都執唔完咁 ~
之前 8 卦叫我幫手整嘢 咁整到依家都未得閒整 咁佢又成日攞黎睇 我話擺番喺佢度啦 點知佢話唔制 話我會承機 "唔記得" 嘩哈 比佢識穿添 ~
食完 lunch box 就出去行 諗住行 d 有太陽嘅地方 但家姐上次無啦啦話我塊臉黑咗呀 勁驚囉 所以都係去 d 無咩太陽嘅地方行算喇 ~
4 點幾里奧大人 line 我話如果準時放工就去打邊爐 咁今晚打邊爐係最好時機嘅 因為天氣夠凍嘛 但其實我已經醃好咗豬扒囉 但見里奧大人咁想打邊爐 我都會陪佢食嘅 ~
忙到放工都未做完 今晚準時放工 因為好鬼攰呀 ~
去惠康買嘢 比我見到保利脫脂奶 $32.5 咋 激氣 我又太衝動喎 上次只去百佳 無去惠康睇 不過我都唔買啦 等媽咪飲完先再買 驚佢一陣突然間話唔飲 比番我飲就慘喇 我唔飲奶架 驚飲完皮膚敏感 到時又要睇醫生 咁包奶都好貴下囉 ~
6 點幾番到屋企 再打去問里奧大人係咪準時放工先 感恩佢話係呀 哈哈 所以我落去攞位喇 依家 d 人做冬 所以稻香都有好多人黎食晚飯 唔會留好多枱比人打邊爐呢 ~
里奧大人 7 點 15 分到喇 但今次隔離果枱超級勁嘈 特別係班女人講嘢超級勁大聲 我覺得嘈過街市添呀 可能樓底唔高 好應聲囉 ~
9 點走人 今晚唔徑步喇 因為沖完涼就要煲紅豆沙 但係留番聽晚先食呢 ~
今晚真係好凍 因為我洗完嘢之後對手係僵硬哂呀 ~
凍呀 11 點瞓喇 umm 冬天最驚係上床瞓 因為張床單同張被係凍冰冰 但又唔想開暖毯 因為夜晚瞓瞓下會熱 如果開埋暖毯 驚出哂汗要走去沖涼呀 哈 ~
沒有留言:
發佈留言