茄汁煎虎蝦 + 齋滷味 ( 外賣 ) + 蠔油唐生菜 ( 23-DEC-2014 )

( 23-DEC-2014  TUE )

尋晚我自己冚張 B-duck 珊瑚絨被   半夜工更凍鬼醒呀   嘩哈哈  最後都要捐番入羽絨被   里奧大人話我成個身都係冷冰冰呀   嚇到佢即刻幫我係咁捽係咁捽   之後我又覺有 d 熱   哈哈 ~

今朝天陰陰呀   感覺勁寒囉   我沖完熱水涼都覺得凍呀 ~

一齊搭 lift   幾個女仔都好高   里奧大人話好小見到咁喎   多數有高有矮咁   所以我今次好突出喎   佢最鍾意笑我矮同埋肥   呢 d 先係正宗福相   咁都唔識   嘩哈哈 ~

早餐食芝腿治烘底   睇多陣報紙就要番工 lu ~

菇場唔太忙   不過大粒全部唔喺度   真係好 free 囉   所以有嘢都慢慢做   嘻嘻 ~

勁想食酸辣米線   但問準里奧大人先   佢話我呢排食得太多立雜嘢   又辣雞   叫我唔好食喎   咁好啦   食韭菜水餃麵啦   落咗 1/3 湯匙嘅豆板醬都覺得辣添 ~

次次食完湯粉麵再行街   就會覺得好熱   係出汗添呀 ~

慘   喉嚨突然好痛   吞口水都好痛添   唔通頭先辣得滯 ?!   千奇千奇唔好病呀   難得假期   如果病咗好掃慶囉   所以即沖杯柚子蜜   不過都係無咩用   哈 ~

放工去買菜   之後即番屋企喇 ~

浸好菜   抖陣   差唔多 7 點先煮飯   估唔到 8 點先搞掂   煮完就即沖涼喇 ~   

沖完涼諗住食啦   咁里奧大人打黎話放工   咁我食住粟米等佢啦   之前剩咗 2 條唔好嘥嘛   等佢番黎再淥丁麵比佢食   我就食餸 ~

是日晚餐 - 茄汁煎虎蝦 + 齋滷味 ( 外賣 ) + 蠔油唐生菜

茄汁煎虎蝦 - 呢幾隻好大隻   所以煎得比較耐 d   今次好有心機煎架   同埋今次 d 蝦好彈牙  同埋今次 d 茄汁整得好好味呀   勁開心 ~   

齋滷味 ( 外賣 ) - 問里奧大人想食叉燒定齋滷味   佢話食齋滷味   因為我鍾意食   算佢啦   記得我鍾意食 ~  

蠔油唐生菜 - 屋企仲剩 2 條粟米   咁里奧大人唔鍾意食粟米   但點都要食 d 菜嘛   咁買唐生菜啦   夠方便嘛 ~

洗埋碗   9 點幾終於可以休息喇 ~

今晚食埋哂 d 乳酪   其實咁鬼凍唔想食   但唔想眼冤   今晚我清哂粟米 + 乳酪   短期內唔想再食呢兩樣嘢   好驚 ~

唔多舒服咁   所以 11 點瞓喇 ~