黃石家樂徑 + Paisano's Pizzeria @ 西貢 (PART 1/2) ( 13-DEC-2014 )

( 13-DEC-2014  SAT )

今朝 7 點 45 分起身喇   約咗 8 卦去食早餐   今次呢間遠少少   咁我又唔記得點去   所以約佢喺車站等   之後再一齊去   但條街實在太凍喇   之後試下去搵間餐廳   好在搵到   呵呵 ~

西瓜放假到月尾   實在太好喇   佢成日碌嚟碌去昅住哂   好鬼煩嘛   哈哈 ~

又係 11 點先有嘢做   好在趕得切放工前搞掂 ~

今日同里奧大人入西貢   所以叫佢嚟菇場接我呀   之後一齊行去小巴站 ~

1 點 15 分開車   1 點半到西貢喇   又去食泰國嘢呢   好感恩我坐巷仔   因為我見到 94 號巴士站   見到 2 點開咗一班車   咁我哋 2 點 20 分要埋單走人㗎喇   因為半個鐘頭先一班車去黃石碼頭呢 ~

我好餓呀   所以買燒賣粉果   里奧大人食完粒燒賣   個樣好慘咁問我  "妳係咪覺得啲燒賣好好食 ?!"   我話唔係喎   咁佢再問我點解會買嚟食   我話因為想食咋   佢以為我上網睇過話燒賣好味喎

牛丸蝦餅湯金邊粉 (冬蔭功湯底) - 加辣   咁樣好味好多

脆肉炒椰菜苗 - 好味呀   如果就咁食   我可以食三碟   菜之嘛   哈哈

串燒牛肉 / 豬肉 - OK 啦

小丑對鞋好得意

好好天呀

仲諗住半個鐘頭先開一班車   應該無咩人入去啦   估唔到成架車 Full 哂   好多人去燒嘢食同埋露營呀 ~

架車 Chok 下 Chok 下真係有啲眼瞓   我臨尾都瞓咗幾分鐘   落車前啱啱醒 ~   

非常之 Classic 嘅車   勁正呀

好喇   3 點左右到啦   見到有燒烤場   勁香呀   我同里奧大人話之得買磅麵包嚟啦   之後借人哋個爐燒 1 塊嚟食   佢話咁買 1 塊咪得囉   我話呀   借人哋個爐梗係要請埋人哋食啦   唔識大體   哈哈 ~

里奧大人話望住個 View 好正   所以影呢張相   我仲以為佢影個人着咗保護色添

睇下點行先

影呀影

個 "樹" 字咁寫嘅

之後見到條樓梯有啲驚   咁再行上 啲啦   爛路咁嘅   不過里奧大人話行山就係咁   佢一早話過黃石家樂徑唔啱我行   但我話要行囉   點知呢   我越行越驚   里奧大人已經捉住我手慢慢行   但都好驚囉   終於   行咗 15 分鐘就打道回府   哈哈 ~

着毛毛靴行山呀   所以好驚跣到

我好興奮   所以行得快過里奧大人

Family Walk   我覺得好難行喎   所以里奧大人話人哋細路都敢行   都唔知妳驚咩   哈哈

再行上去睇下先

呢段都算好行

呢段就無咁好行喇   如果唔小心 Click 到   真係一仆一碌   碌埋落山 

又如果落完雨   條路又濕又滑   都好危險

行到呢度   我話唔想再行喇   陰陰沉沉   好不安咁   

里奧大人話等埋佢影多 2 張相就走   最衰我咁無用啦

落番去喇   檸轉頭再影一張先   覺得啲樓梯好似杏仁片咁呀

咁里奧大人諗住去黃石碼頭睇下啲船去邊啦   但見到有巴士到   咁我話都係出番市中心好啲 ~

我哋諗住要企㗎喇   好感恩樓下有一個倒頭位   咁我坐啦   里奧大人就慘啲要企喇   因為佢背囊好重嘛   好在半路有人落車   佢可以坐呢 ~

4 點 15 分出到市中心   我同里奧大人講話唔知係咪暈車浪呢   因為好眼瞓   之後佢話架巴士好焗呀   又揸得慢   頭先去黃石碼頭只係半個鐘   但出番去呢程要 45 分鐘   咁真係好慢喎   因為架車已經 Full 哂   好多站都飛咗   正路係快好多囉 ~ 

沿住西貢碼頭行下影下咁啦   一場嚟到嘛   哈哈 ~

好大隻船   唔知係咪撈垃圾呢 ?

呢隻狗好大隻   個頭勁大個   成隻獅子仔咁   不過咁影又唔係好大隻咁

唱咗好耐

佢哋吹奏緊 "安第斯山脈嘅傳統音樂"   聽聽下真係想瞓覺   好 Relax 咁

有隻 xx 企喺度   唔怕暈船浪   哈哈

超級多鷹呀   第一次見咋   對面山又好多   另一邊又係好多

人哋追星   我就追鷹

黑色一點點係啲鷹   

捉魚食呀

好大浪咁

呢日未完㗎  ^^