招牌魚蛋河 勁想要腩汁 不過唔得呢
京都炸醬麵 份量都好巨 甜甜辣辣幾好味
( 14-FEB-2015 SAT )
今朝 7 點半起身喇 因為想去超市買奶比媽咪呀 估唔到華潤做特價 $25/pack 所以買咗 4 packs 比媽咪 重到呢 本來約咗 8 卦去遠小小嘅茶記食早餐架 但我話要買嘢 去番菇場附近食算喇 因為我一來一回 手斷都似 ~
8 卦係都要幫我拎 我話唔駛 佢搶住拎 哈 可能佢都見我拎得好辛苦 我成日同佢講 其實佢係好人 只不過係樣衰同格衰 佢話仲唔夠呀 ?!?! 哈哈 ~
番到菇場都無 mood 做嘢啦 同埋真係無嘢做囉 所以打機 打到眼濛濛 ~
放工即走喇 約咗媽咪同家姐飲茶 去到見到工人同個女人按摩手臂 我仲想話叫佢唔好亂同人按摩 驚有菌嘛 點知原來果個人係家姐 因為我無諗過佢快過我嘛 ~
我呢期好鍾意食包類 因為覺得麵包甜甜地好味呀
家姐用 JNC 部機整嘅南瓜豆漿 佢真係好鍾意部機咁喎 哈
食下傾下都 2 點半 之後同家姐去超市買年貨 再上埋媽咪屋企拎壓歲錢同平安利是 咁坐多陣就走喇 ~
759 買 7 折之後 $20.1 抵
今日 4 點要去將軍澳搞 d 嘢都買嘢 所以家姐車埋我喇 咁啱里奧大人同佢 d 家姐韓燒完 所以順便車埋一齊入將軍澳喇 ~
買完嘢就出旺角拎 OK cash coupon 之後就行陣 諗住食齋 但望到好大個像 所以唔想入去食 之後諗住去花園餐廳 點知又排長龍 今日情人節 西餐實多人食 中菜又無位 因為要食團年飯喎 所以最後去食魚蛋粉 唔想嘥時間再搵呀 想快 d 番屋企 ~
坐 van 仔番屋企 有個女仔比一百蚊 司機話無 因為啱啱先開工 叫佢坐下架 之後開車就一路講哂粗口 我最驚 駛唔駛講咁耐呀 講咗半程車 之後塞車啦 有架車又唔知做咩 我地 chok 咗一嘢 之後司機又講粗口講足半程 好在我地要落車 唔係人都顛 ~
番到屋企抖陣就一齊去徑步喇 徑咗半個鐘就走人 lu ~
沖埋涼就睇電視 不過我睇睇下都瞓咗 醒一醒之後都 11 點幾 入房瞓喇 ~
沒有留言:
發佈留言