衝瘋鴨仔團 @ 張家界 6 天武廣高鐵路團 Day 2 (Part 1/3) ( 21-FEB-2015 年初三 )

Day 2  衝瘋鴨仔團 @ 張家界 6 天武廣高鐵路團 ( 21-FEB-2015 年初三 ) Part 1/3

行程 ~~ 
慈利 ( 車程 1 小時 ) --> 龍王洞 RMB180/人 --> 張家界 --> 張家界國家森林公園 --> 金鞭溪 ( 母子峰 ~ 神鷹護鞭 ~ 金鞭岩 ~ 劈山救母 ) --> 茶葉店 --> 軍聲畫院 --> 酒店

好喇   6 點 morning call   我地多數會早 15 分鐘起身   好耐無試過 5 點幾起身咯   天氣又凍   勁想瞓多陣   但唔敢比自己懶床呀   唔係一陣遲到就唔好啦 ~

行李放喺房出面   等 bell boy 拎落樓下

尋晚最搞笑係我地同好多團友都搭錯 lift   我地係知道喺貴賓樓住嘅   而去貴賓樓要喺酒店入面行過去   咁直行有好大塊廉遮住   我地當然唔行入去啦   咁就轉左搭 lift   但一開 lift 就漆黑一片   咁肯定唔係住嘅   之後一齊落番去就見到小麥   佢話我地要直行先啱   咁我地就走去揭開張廉入去喇

6 點 45 分到餐廳   影相連食嘢   只係用咗 20 分鐘   因為真係無咩嘢好食   同埋樣樣都唔熱   我唔敢食咁多   驚肚痛 ~

餐廳好暗

拎嘢食嘅地方先光猛咋

炒河粉

好辣咁喎   我一定唔食啦

舖滿辣椒   勁驚   哈哈

我食呢 d 咋   早餐好小食咁清   哈哈   同埋都唔熱嘅   蛋唔熱都接受   饅頭唔熱就驚 d   粟米係糯米栗   但唔係煙韌   同香港食嘅口感唔同

里奧大人必食炒飯

番到酒店搞掂哂行李又落去集合喇   差唔多 8 點就上車   9 點 10 分就到龍王洞   行到差唔多 11 點又上車去食飯喇 ~

酒店望出去係咁嘅

我第一次喺酒店開窗   哈哈

好多私家車 = 好多人 @@

朝早直頭唔開燈添

出發喇

我地坐嘅旅遊巴   真係好舒服架

慈利酒店 ****

我鍾意呢 d 指示牌   因為即係去緊旅行   哈哈

太陽出來了

坐呀呀呀   影完張相都瞓 lu   無計啦   無飲咖啡又唔夠瞓   天氣又凍   所以坐車一定會瞓囉

最鍾意扶手有個掛勾   有得掛住背囊   真係舒服好多架   最正係一起身   隻手一伸就有零食   嘩哈   我好耐無咁放肆食零食喇   所以呢個行程   錢可以唔帶   但零食一定要帶呢 ^^

我帶咗 2 條厚 legging 同埋 3條薄 legging   之後幾日仲凍   所以要留番最凍先着   好在里奧大人帶咗厚勁巾   可以比我冚住對腳   真係無咁凍架

8:15am 仍然見到太陽

梨子坪   我即刻諗起雪梨呀   早餐唔飽   所以應該會無時無刻諗嘢食

我喺香港有棟咁嘅樓就好喇



天色都唔係咁好   但又無話唔開心喎   因為預咗會係咁呢

山呀水呀   到處可見

設計好特別嘅屋

9:00am 到龍王洞喇

自費架  RMB180/人

無睇過   哈

好似好鬼秘咁

其實係咁嘅   開始行入去喇

入去喇

地下都幾濕架

望上去有個洞口

介紹一下

再開始行入 d 喇   加埋 d 綠色燈   好似好神秘咁

好多奇形怪狀嘅鐘乳石

親眼見先覺得好震撼

開始行落去喇   覺得有 d 熱喇

阿 man 介紹   佢做嘢真係超級有 heart   因為其實有導賞員介紹架   不過阿 man 驚我地聽得唔清楚   所以佢親自介紹   咁用廣東話係聽得清楚好多嘅   所以好感恩好感恩有個咁好嘅導遊呢

唔係阿 man 重點介紹   我都唔知係個鐘乳石係斷開咗

沿住有燈嘅地方行

和尚沖涼喎

d 鐘乳石勁尖架



越入就越熱 ~~~~~~ 我已經成身汗   但里奧大人又無除褸   仲以為得我有問題   之後佢話其實佢都熱   不過唔想拎住件褸   嘿

居然有植物可以生長到

去後宮喇

又入口又出口   哈哈

要行去遠小小先影到和尚沖涼

其實根本只係一嚿石   哈哈

好似怪獸 d 牙齒

好難影到倒影

望過對面

我覺得 d 鐘乳石似真又似假

Way out

Export ?!?!?!?!?!?!?!?!   太搞笑吧

又上又落

長長嘅樓梯   講真   我依家對於行路行山絕對無問題   但係   當食唔飽瞓唔夠嘅時候黎行呢   對我黎講係好痛苦   加上個背囊又重   行到最入又勁熱   成身濕哂   滿頭大汗   又要拎住件褸   我真係覺得好辛苦   不過當見到令人嘆為觀止嘅鐘乳石   又覺得好值   哈哈

唔記得係咩 lu

記得呢度係鳳凰

其實係洞入面行黎行去   哈哈   不過好在係原路入原路出   咁就唔駛驚呢

行番上去出口喇

望到出口喇   勁開心   因為我行到成身濕哂呀   要吹一吹風呢

龍王潭   個名好勁咁

喺龍王潭隔離   有一個位可以企出去影   我行咗啦   不過之後腳都軟埋   即刻行番地面   叫里奧大人行出去影比我睇有 d 咩



呢日未完架