行程 ~~
十里畫廊 ( 包雙程小火車) ( 遠眺壽星迎賓 + 食指峰 + 釆藥老人 + 三姐妹峰 ) --> 天子山 ( 百龍天梯 ) --> 賀龍公園 (西海觀景岩 + 觀賞禦筆峰 + 仙女散花 ) --> 袁家界 --> 天下第一橋 --> 遠眺乾坤柱 (又名哈利路亞山) 全部無去 --> 酒店
又係 6 點 morning call 咁我地 6 點 15 分都到咗餐廳 我地無早餐劵嘛 咁咪比住客卡 居然都唔比我地入 係都話我地無早餐劵喎 但尋晚卡卡都無比早餐劵我地架喎 之後即打比卡卡 但電話唔通 咁打比阿 man 擾攘一輪先比我地入 之後我地果枱團友大佬兩公婆話自己比錢 RMB20/位 另一 team 團友話係唔會山長水遠黎呢度食早餐囉 哈哈 ~
燈都未開 哈哈
我最勁 load 相先知全部早餐相都係濛查查 不過唔理喇 想留個念嘛 當 3D 相睇囉 呵呵
初初以為係龍眼 其實係炸嘢
鍋巴
我嘅早餐
諗住食粥 等個身會暖 d 但 d 粥係唔熱嘅 我最驚 d 嘢唔熱 唉
諗住沖涼啦 點知無熱水喎 里奧大人叫我唔好沖 我話你唔叫我 我都唔會沖啦 雖然有暖氣 但出面得 9 度咋 好凍下喎 ~~~~
好喇 7 點 15 分坐車 7 點 40 分去到 " 十里畫廊 " 8 點半走人 ~
天都未光哂
條街又凍又濕
7 點半開始行 lu 應該係急步 哈哈
7:35am 入去喇
之後再坐 shuttle bus 山路來架 架車係咁掟彎又掟彎 好驚險
好多都未開門
8 點到喇 阿 man 跑去買票
里奧大人好鍾意幫我影相架 佢明明影緊其他嘢 我一話 "幫我影" 佢就即轉身幫我影架 唔會叫我等陣先 好搞笑
坐小火車都見到好多山 但喺車上面好難影 同埋太多樹枝遮住 小火車隔離有條路 有 d 人行上去 講真 如果唔係落雨 一路行一路影仲好
小火車
因為一停車就要即落車 咁里奧大人已經叫我唔好走住 我其實唔知佢做咩 未瞓一醒嘛 之後佢叫我坐番好 係都要我影 哈哈
小飾物
三姐妹峰
呢張叫最好位置架喇
落緊雨架
食指峰
呢日未完架
沒有留言:
發佈留言