衝瘋鴨仔團 @ 張家界 6 天武廣高鐵路團 Day 3 (Part 2/2) ( 22-FEB-2015 年初四 )

Day 3  衝瘋鴨仔團 @ 張家界 6 天武廣高鐵路團 ( 22-FEB-2015 年初四 ) Part 2/2

睇完十里畫廊   8 點半坐番小火車落去   再坐咗 10 分鐘車就到天子山腳底   之後要急步行去排隊喇   好在依家行得快咋   又唔係好辛苦   最勁係我居然無喘氣喎   可能我心態係當做運動   所以都好享受行嘅過程呢 ~

行呀行   去到天子山都係 9 點左右咋   但已經見到超級勁長人龍囉 ~

見到百龍天梯喇   都好高咁噃

之後我開始有 d 驚   因為預咗佢地會係失控狀態咁款   唔理人囉   咁排隊都無問題   但一轉個彎   有哂鐵馬欄住   咁就出事喇   迫唔係問題   我已經預咗   我好醒架喇   捉住前面男團友個背囊   有一下佢行快咗   我扯番住佢呀   哈哈   因為我驚甩手就跟唔番架喇   咁里奧大人就捉住我背囊家嘛   佢無啦啦大聲同我講話甩咗手   叫我自己行先   嚇死我啦   甩咗手真係搵唔番架   原來係有架 bb 車突然插隊呀   所以佢咪讓人囉   d 人顛架   bb 車點入得去架   焗死都似   因為當時當緊雨   個個都開遮   真係睇唔到天空架 ~

好在同里奧大人隔咗 2 個身位   咁我唯行慢 d 拖番住佢   d 人呀   貼住黎行架   夾到我手臂都痛   駛唔駛咁呀   真係人都顛   之後里奧大人打比小麥話唔上去喇   又好在隔離兩個身位係鐵馬   所以即出去喇 ~

人多遮多

着雨褸係好 d 嘅   不過我無買呀

9:40am   已經要排 4 個鐘先上到天子山

原來有對母子團友都唔上去呀   咁里奧大人問阿 man 點樣番酒店   阿 man 個樣好愕然   因為黎張家界目的係上天子山嘛   但我地真係接受唔到咁排隊囉   阿 man 教完我地之後   就叫我地番到酒店要打比佢報平安   哈哈 ~

之後我地就一齊行行落去坐 shuttle bus 喇   標智門落車   但我地落錯車   因為我地跟人落   咁啱個個都落車   以為係標誌門 ~

無得上天子山   就周圍影下相啦

帶帽又熱   又唔想放入袋   所以我一垂直對手   頂帽就跌咗落地下   嗚嗚   好在我帶咗 2 頂帽啫

我地又下面望番上去   都唔錯丫   呵

大霧影相真係幾正   因為無咩幾何會咁大霧去影相   哈哈

又無哂霧 lu

雨褸唔要就掉入垃圾桶啦   唉

真的嗎 ?!?!?!?!

守護神

d 山形真係好得意

我地跟咗人地落車呀   不過原來唔係標智門   哈哈   所以叫里奧大人走去問人啦   之後又坐番架 shuttle 去標智門 lu ~

粉紅陣

終於到標智門喇

 
仍然好大霧

好多 shuttle bus   所以多人都唔驚   最驚係 d 人唔排隊啫

另一邊嘅塔

" 今天的不便, 是為了明天的美好 "   里奧大人話我知   我先知呢兩句金句   哈哈

繼續向前行

落雨濕濕   所以番酒店喇   里奧大人吹乾哂 d 鞋同襪   都吹咗 1 個鐘   抖陣就出去行下   順便食埋 lunch 呢 ~

我讀九九香土特產超市

呢個店名非常之掂

快 d 幫我吸哂 d 雨水啦 ~~~~

野味黎架   有蝙蝠 .. . .. ..   最右果隻唔知咩來   eeee

番到酒店   里奧大人第 1 時間問幾點有暖氣   佢地答 6 點先有 oh no ~~~~

酒店唔開燈架   暖氣就要夜晚 6 點半先開

有窗口嘅地方先光 d 咋

唔好講笑   由第 1 日要 4 點起身   之後呢幾日都係 5 點幾起身   真係超級攰   我食完嘢   坐坐下都瞓着咗   勁呀 ~

用 IPAD 做 menu   我其實唔係咁鍾意   因為翻睇好麻煩   哈哈

北方煎餃 RMB38/半打

送架

青菜肉絲麵 RMB48/窩

唔記得係咪東北水餃同幾多錢添

最緊要有杯熱茶



點解畫雞嘅 ?!   通常都係畫馬架噃

食完勁眼瞓   真係瞓着咗呀

餐廳入口

2 點半番到酒店   不過無暖氣   好凍呀   哈哈 ~

究竟條馬路係向邊個方向走架 ?!?!?!

討厭   嘔心

去呢間按摩



好痛呀

按腳嘅地方

好似一齊生仔咁   哈哈

正宗自由行

周圍行下

度度都泊滿車

見到間超市勁開心啦   不過好似買酒居多   唔啱我呢

我地住呢間酒店   無啦啦整條栱橋   好搞笑

無嘢做就睇心計啦   又食下生果呀   零食咁啦   之後 5 點幾勁眼瞓   瞓到 7 點呀   又凍喎   又係咁食零食補充熱量   真係唔肥都難   哈哈 ~

5 隻蕉要 RMB11   都幾貴喎   個柑就係送嘅

我唔覺香港有蕃茄味   所以買黎試下

團友話去西藏都係飲呢支補充體力   所以我又買黎飲   味道似寶礦力   飲完會尖叫

團友 8 點 45 分先番到酒店呀   第一個入餐廳係台灣仔   佢一路行入黎   一路笑住頭擰擰呀    之後同我地講好辛苦   里奧大人問佢天子山靚唔靚   佢話好靚   到大佬入黎   第一句話我地 " 妳好醒"   因為佢地企咗起碼 7 個鐘呀   高細佬又係話好辛苦   但 d 景好靚   佢比咗 d 相我地睇   真係靚架   又有雲海   不過我真係頂唔順 d 人咁排隊囉 ~

其實報名嘅時候知道索道已經維修緊   但無諗過兩個月都未維修好囉   明知旺季都唔快 d 搞掂   好難明佢地嘅做事方法   同埋團友話雖然有 3 部百龍天梯   每部天梯企 50 人   但其中 1 部壞咗   所以咪要等咁耐囉 ~

個個都話要快 d 食飯快 d 食飯   因為好餓呀   飢寒交迫呀   同埋個個都話對腳企到好痛   同埋 d 衫褲鞋襪都濕哂   高細佬話佢仲慘   因為佢成 6 尺 2   所以成日比人 d 遮篤到眼   又比人 " 批爭 "   佢話佢批番人   d 人就唔再批佢爭呀   欺善怕惡呢 ~

沖埋涼真係唔願郁   但唔郁唔得   因為聽日要住另一間酒店   要執好哂 d 嘢   咁聽朝唔駛咁趕 ~

不過都係 11 點就瞓   因為太凍喇   要入被竇暖好多呢 ~

呢日行程完畢