Saizeriya @ 九龍灣 ( 18-FEB-2015 )

水牛芝士伴蕃茄 

三文魚沙律 

蒜香法包 

邦哥尼意大利粉 

芝士焗薯角 

( 18-FEB-2015  WED )

今朝食開果間茶記無開   所以去麥記食喇   去到見到 d 人   都係食開果間茶記嘅人   食完諗住走啦   點知 8 卦打黎話過黎食   咁佢話見我食完   佢都唔食   我話黎到就食埋啦   所以遲咗 10 分鐘先番到菇場呢 ~

一入菇場即開 email   真係放 12 點呀   勁勁勁開心呀 ~

廁所都唔去就做嘢喇   10 點搞掂 ~

個個都一齊勁興奮咁等到 12 點   一夠鐘個個即走喇 ~

我行路去鑽石山地鐵站   12 分鐘就到   我都覺得自己行得勁快   但又唔辛苦喎   實在太感恩喇 ~

同里奧大人喺九龍灣月台等   估唔到無咩人    仲有得坐呢 ~

我勁餓呀   所以又去老地方南記   好耐無食喇   覺得勁好味   不過每樣食物又加咗 $2   真係每黎一次就加一次   勁 ~

好   食飽就去行年宵喇    無想像中咁多人   不過又真係無咩嘢好睇   兜咗幾個圈   食埋糖蔥餅就走人喇   我同里奧大人講話下年應該唔會再黎   d 嘢真係唔吸引   仲好似每年差過一年咁 ~

好似 $12/2件   不過一次食兩件真係幾辛苦   因為好甜   食完有 d 反胃囉

好攰呀   所以都係坐 619 番屋企   坐到咁上下我瞓咗添呀   之後里奧大人摸下我塊臉   咁我都知係差唔多落車 lu ~

去到橋底   比我昅到有個檔灘買厚身 1 pc   里奧大人話啱旅行着呀   所以買咗 2 件   同埋勁抵啦   $80 件咋   如果喺舖頭起碼要 $240   因為我之前睇過呢   所以好感恩買到平嘢   哈哈 ~

番到屋企里奧大人話要即開機洗件新衫   咁去旅行就一定可以着到呢   佢真係唔衰嘅時候就真係超級好嘅   哈哈 ~

諗住 6 點出去九龍城食泰菜   不過洗埋衫都已經 6 點幾   所以唔出去 lu   咁去屋企附近食算喇 ~

去到八福原來已經收爐   咁去 Saizeriya 啦 ~

食完行陣就番屋企   沖埋涼  睇下電視   11 點幾瞓 lu ~