10 點 45 分上車喇 坐 45 分鐘就去到食飯嘅地方 即係 11 點半食 lunch 喇 ~
我地叫佢做 "肥仔" 5 歲人仔 佢媽咪話佢唔止 50 磅架 聽團友講佢行龍王洞嘅時候 要我地同枱嘅細佬抱呀 抱住佢行咗 20 分鐘 聽見到辛苦 哈哈 佢勁唔怕醜 ( 即係曳 ) 一上車就話要唱歌 真係唱哂一首歌架 所以大哥拍哂手 哈哈
坐車沿途 暫時都見有好多屋起緊
店名幾勁
午餐 ~ 竹筒風味
又係有兩個爐 感覺係處身喺好凍嘅地方咁 哈哈
我好感恩 又比我影到食物相 佢地等我影埋先轉架
海帶湯 我無飲呀 驚太涼 同埋驚利尿 坐長途車真係唔敢飲咁多水架
唔知鵝定鴨
花生豬手 無食
我同里奧大人講 下次我會整呢個餸 ~~~~
竹筒入面係筍 所以唔食 lu
我最愛嘅炒粟米 不過佢係糯米栗 咬都牙都軟 哈哈
蕃茄炒蛋最穩陣
炒菜心 好甜呀
飯店出面
11 點 50 分又上車 坐咗 10 分鐘就要落車行去 " 張家界國家森林公園 " 12 半開始行上去 行咗半個鐘頭到啦 又唔係好辛苦 只係凍咗 d 哈哈 ~
開始行條暗斜喇 好在我依家鍾意行路 又唔會覺好攰 可能係啱啱開始行啦 一陣可能嗌攰都未定架 頂帽 feng 哂出黎都唔知 唔夠瞓真係好似顛婆出街咁
好多客棧 我成日將個 "農"家客棧讀咗"衣"家客棧 哈哈
繼續行 令我諗起台中民宿添
Hollyear Inn 好鍾意個名呀 @@
沿途都見到好多山
我問里奧大人敢唔敢食 佢答唔敢
差唔多到喇
到喇
呢張入場卡係硬身架 可以留念 同埋要留番聽日用架
1 點 15 分開始 因為係回頭路 所以阿 man 帶住我地點樣行 再介紹一下咁啦 之後就自由活動喇 人太多 所以有 d 熱 同埋我又無咩心機影相呢 又有 d 餓喎 所以即刻開包童食點心麵食囉 食完又真係精神 d 架喎 ~
我地好多團友都帶帽 包括我在內 帶住頂帽無咁凍架
人呀
名人提字 但咁擺法就好似墓碑咁啦
見到咩呀 ?!?!
另一邊仲多
阿 man 一早叫咗我地小心 d 架喇 最緊要唔好拎嘢引佢 唔係搶咗之後就無架喇
行喇又
母子峰
里奧大人無啦啦影肥仔 笑得又幾甜噃
其實好多山都比樹枝遮住
劈山救母
無諗過呢度係洗手間
我一路行一路心急睇相
好曬呀 所以有 d 熱
度度都咁多人
無得遮蔭
家姐話對 boot 似發霉 CC 就話好 dirty
唔好講笑 真係要坐下先 好後悔無帶朱古力補充體力
阿 man 話之前有條橋比同胞們搖斷咗 我同里奧大人話係呢條 叫佢唔好行 但佢好奇怪點會搖得斷
新年去大陸唔好着紅色衫 因為好多人都着紅色 但最好又要着鮮色衫喎 咁先易認 哈哈
原來阿 man 所講嘅係呢條橋呀 我見全部人都好大力搖架 其實有咩意思呢 ?! 暈 ~~~~
我一見到嘢食就會第一時間行埋去睇
炸薯仔 好似幾好味 不過唔敢食啦 好滯架
好似舉高手咁
行番出去喇
喺公園出面範圍 其實都有好多山呢
好多人都咁樣揹小朋友
里奧大人話小麥好鍾意 "繞"腳 因為已經第 3 次見到 我又係成日唔會企直架 一定會"繞"腳 因為長短腳嘛 "繞"腳會舒服 d
3 隻手指
3 點 30 分集合 之後行番出公園出面等車 司機叔叔好好人 諗住開架車入到公園附近 等我地行小 d 但因為我地係大車 所以搞咗好耐 4 點 15 分先入到黎呀 ~
肥仔扭計買呢隻 monkey 按個肚會發聲架 但最搞笑係好似雞啼咁 佢又係咁按按按喎 嘈到暈 佢係都要我幫佢影相 之後就按我相機 d 制 不過我唔比佢掂 呵呵
又起 d 咩呢 ?!
頂唔順要坐呀 哈哈
呢日未完架
阴公🐷咯,行了一年的路啊!
回覆刪除妳又唔記得啦 我依家好鍾意行路嘛 一 d 都唔辛苦呢 ~~~~
刪除