譚仔 (三哥) 雲南米線 @ 九龍灣 ( 6-FEB-2015 禁 )

過橋米線 ( 10 小辣 ) - 我只食白肉   里奧大人食紅肉   但最後都係食唔哂 d 紅肉同米線   所以我真係覺得 8 卦好勁   食得哂成碗   里奧大人話我以前會笑人地食 10 小辣   因為係最小嘅麻辣   我會覺得無料到   依家到我食 10 小辣啦   但我都覺得辣辣地架喎   今時唔同往日喇   哈

( 6-FEB-2015  FRI )

又好凍呀   又係無陽光   個人無咁精神咁呢 ~   

早餐食奶醬多   依家價錢同單拚價錢一樣喇   半年唔夠加咗 3 次價   真係勁 ~

菇場唔忙   又執下 d file   所以好快又到 lunch time 喇 ~

食完 lunch box 就出去買冬瓜同祛濕料   其實可以放工買嘅   咁今日里奧大人晏晝有嘢搞   所以請咗半日 A/L   咁我想早 d 番屋企囉 ~

仍然唔忙   可以 hea 等放工喇 ~

放工即走   難得所有大粒唔喺度嘛   哈 ~

番到屋企放低 d 嘢   差唔多 6 點半就出去食   里奧大人話打邊爐   不過我話唔好啦   我唔係太餓嘛   同埋我打邊爐又唔鍾意食海鮮   所以唔打 lu ~

我只想食熱嘢   所以去譚仔   之後行陣就番屋企煲冬瓜袪濕水   再煎埋 d 馬蹄糕   今次無咁好食   所以整咗未煎果 d 都掉咗去 lu   下次都係跟 recipe 份量好 d   真係邪   上次懶勁同里奧大人講超易整   咁事實係喎   因為材料唔多同埋只係蒸   但今次衰咗   里奧大人話成日串串共話上次又話好易嘅   所以下次唔好咁囂喎 ~

沖埋涼就抖 lu   睇下報紙   9 點半飲埋杯冬瓜袪濕水   再睇下報紙同聖經   對眼好攰呀   所以 11 點即瞓 ~