我嘅魚蛋生菜米線 ( 麻辣 10 小辣 )
Ivy 嘅豬潤同豬腩肉米線 ( 麻辣中辣 ) Ivy 又係好好 我上次同佢講話禁食祈禱 所以佢一聽到話譚仔就問禁食祈禱咪食唔到囉 ?! 不過我話只食白肉就 ok 架喇
( 3-FEB-2015 TUE )
今朝里奧大人要上大陸 6 點半起咗身 我多數都會醒一醒 叫佢帶參蜜 佢話知道 但如果我知佢差唔多出門口 又會大叫佢記得帶參蜜 佢會話記得喇妳快 d 瞓啦 哈 佢實在太無記性 成日急急腳就唔記得拎嘢嘛 所以我咪咁長氣囉 ~
瞓到 7 點半起身 如果自己一個人起身 真係唔敢懶床架 一陣瞓到 9 點就慘 ~
早餐食奶醬多 其實想食鹹嘢 但又唔想食咁多蛋 ~
忙呀 今日預咗要忙成日 lu ~
食埋 lunch box 就出去行 咁我次次去親超市萬寧 一有九五折就會問家姐要買 d 咩 佢話 "又九五折 ?!?!" 係喎 我都覺呢幾次打比佢都係九五折 因為上星期六係 Aeon 九五 尋日係一田九五 今日係惠康九五 哈 ~
買完嘢就番菇場喇 因為幫家姐團購 佢買咗個 JNC 極速營養魔術壺 ( 豪華版 ) 原價 $1,480 依家 $488 家姐同事話叫家姐試煲 d 粥比佢食 好食先買 痴咩 駛人唔駛本 所以我叫家姐講話個壺係我買 唔會叫我煲比佢食呀嘛 ~
做呀做 做極唔完 好在仲剩番小小 咁留番聽日先做 lu ~
放工即走 要去買抽濕器 順便出雙糧比媽咪 不過坐咗陣就走喇 因為要番屋企放低嘢又即出門口喇 約咗 Ivy 喺譚仔等 我去到都 6 點 50 分 坐低無耐佢就到喇 ~
今晚好開心呀 終於可以 7 點半到教會 可以聽人地 d 實習個案 ~
9 點 15 分完畢 拎埋 notes 就番屋企喇 ~
番到屋企都見到里奧大人 lu 好在佢今晚都可以準時放工 7 點半已經喺上水食嘢 真係好感恩 車程暢順嘛 ~
沖埋涼 睇咗陣電視又已經 11 點幾喇 要瞓喇 今日頻頻樸樸好攰呢 ~
沒有留言:
發佈留言