蠔油薯仔燜雞 + 蒜蓉炒豆苗 ( 2-FEB-2015 禁 )

( 2-FEB-2015  MON )

眨眼又二月 lu   好快就農曆新年呢 ~

今朝里奧大人 10 點去葵興見客   所以又陪我食早餐   開心開心 ~

番到菇場忙啦   諗住做哂 d 嘢就 hea   點知又要做 report   龍王無啦啦 lock 咗個 file   搞咗好耐   所以搵 8 卦求救   之後叫龍 unlock file    又問我 unlock d 咩   搞黎搞去   佢話 unlock 過再比我   頂佢啦   嘥哂我 d 時間   半個鐘我可以 check 好多嘢架喇   最痴線係話驚我整亂佢 report   都痴線嘅   做咗咁耐都係咁啦   咁驚唔好叫我做啦 ~

食埋 lunch box 就去一田買辣雞醬   買開嘅牌又無貨   所以試下第隻牌子先   再買多 2 支燒汁就走喇 ~

仍然做 report   之後家姐打黎話團購 JNC   咁我話聽日先幫佢團   家姐好驚訝話做咩唔依家團呀 ?!   我話 " 大嫂   妳估我真係全職上網唔駛做咩   依家今時唔同往日啦   同埋西瓜喺度呀   呢 d 好邪家嘛   一陣團嘅時候佢搵我就樣衰啦 " ~  

放工未做完架   留番聽日做 ~

要去價真棧買金莎   因為真係好平 ~

$174/3盒

After Eight $26 一條   勁抵呀   所以一定要買黎同家姐 share 食   家姐問我有幾多塊   我話寫咗 400g   無講幾多塊   之後佢又問   我話麥提莎有無講話幾多粒丫 ?!?!?!   之後無再問   哈    

今晚唔駛買餸   煮到一半   里奧大人 7 點幾打黎話喺油麻地比完嘢個客   依家番緊黎   咁我都等埋佢一齊食 lu ~

一路食飯一路同里奧大人講龍王 unlock file d 嘢呀   之後我話好唔開心呀   我好小同佢講咁多次好唔開心架   因為我唔想比負能量佢呢   但今晚真係忍唔住囉 ~

是日晚餐 - 蠔油薯仔燜雞 + 蒜蓉炒豆苗 

蠔油薯仔燜雞 - 尋晚食剩半隻雞   加埋之前買咗薯仔要食架喇   所以就煮呢個餸 ~  

蒜蓉炒豆苗 - 星期日買定   我次次炒豆苗   里奧大人都話好難咬   唔知係咪生   但我話炒咗好耐喎   唔知係咪老就真   是鬼但啦   反正菜可以生食   嘩哈哈 ~

搞掂哂都 9 點   我話唔開心呀   唔想去徑步   所以里奧大人陪我去 Taste 睇嘢食   睇嘢食就最開心呢 ~

沖埋涼   睇埋 " 心計 " 就瞓喇   其實 11 點未夠   不過今日全日對住 d 數字   對眼超級勁攰   所以都瞓到呢 ~