蕃茄煎鯧魚 + 粟米蛋花湯 ( 4-FEB-2015 禁 )

( 4-FEB-2015  TUE )

今朝個天灰灰暗暗   唔係好凍   但就係好潮濕嘅感覺囉 ~

最鍾意一路食早餐一路睇報紙   所以 d 時間就會覺得好快咁   哈 ~      

菇場忙啦   但個人有 d 攰   要慢慢做   因為唔想做錯 ~

食完 lunch 就去入票   菇場幫我唱新銀紙   所以要去入票   之後再將入數紙比番 admin dept   真係煩   以前不嬲就咁直接比票去 admin dept 就得家嘛   搞掂哂又去另一間銀行入 claim 保險嘅票   番到菇場啱啱好要開工   好攰呀 ~

做呀做   4 點終於搞掂   之後家姐打黎又要我幫佢同事團購 JNC 魔術壺   咁無問題啦   做完哂 d 嘢嘛   最搞笑係佢同事問我係咪無做嘢   點解可以隨時上網團購   哈 ~  

放工直接番屋企喇   抖咗陣就整馬蹄糕   但今次無跟足 recipe   所以都衰衰地   但又衰唔哂   只不過面頭點煮都未熟   所以我將面頭唔熟果 d 就倒出黎   再開粉蒸   點知都唔得   要冷靜一下再蒸   同埋我又要開始煮飯   唔搞佢住喇 ~

是日晚餐 - 蕃茄煎鯧魚 + 粟米蛋花湯 

蕃茄煎鯧魚 - 條鯧魚係媽咪上星期比架   今晚食埋去 lu   咁我用鹽醃咗成 40 分鐘   所以好鹹呀   蕃茄又酸   其實我都預咗整得唔好食架喇   因為個人又攰   又心急去徑步   所以都預咗衰   哈 ~   
粟米蛋花湯 - 唔想去買菜   所以又粟米湯 ~

里奧大人 8 點 15 分放工   我抖多陣就徑步 lu   今晚我特登自拍一張相比佢睇   佢又係覆 "好恐怖"   但我影月亮比佢睇呢   佢就覆"月亮好圓"   真係要問問佢點解成日話恐怖先 ~      


差唔多 9 點就番屋企   見到里奧大人啱啱拎豬肉鬆送飯   我其實都會叫佢自己加餸架喇   我覺得 d 餸唔好食   反而佢話 ok   不過今晚好似唔夠餸咁   哈哈   咁又係   我留咗好小魚比佢咋 ~

好喇   又再開粉蒸 d 馬蹄糕   之後沖涼   蒸完全係唔凝固嘅   所以掉鬼咗佢喇 ~

今晚勁攰   食埋生果   睇咗一陣聖經   11 點就即瞓喇 ~