次次想去越南 但覺得貴 又無早機去晚機返 點知今次決定去喇 又要被迫取消 ~
其實本身係諗住去下龍灣嘅 不過知道越南呢個時候成日落雨 咁唔去啦 同埋要坐好耐車同船 講真 我真係唔係咁想 條腰真係好痛架 ~
咁之後就睇下胡市明市啦 又好啱我喎 有得食有得買 早機去晚機返 同埋最緊要係日日有機開去胡志明嘛 所以最後都報咗團去胡志明市喇 ~
今次又係好邪啦 15/4 去報越南胡志明市 之後 5月中無啦啦又爆發示威 唔係咁搞笑呀嘛 雖然佢地係喺工業區到示威 但襲擊對象係華人 咁就好驚啦 點睇我同里奧大人個樣都唔似係鬼佬鬼婆同越南人啦 同埋去旅遊實會影相家嘛 咁樣仲驚 哈 ~
咁搞法 我又比佢地 hold 住哂 d 嘢 感覺兩頭唔到岸咁 煩到暈 ~
因為我覺得 d 時間好緊迫 所以我話去新加坡 問咗冰姑 佢 6月頭幾日喺新加坡 之後就番 Ipoh 一星期 嘩 好在問一問佢咋 因為佢唔喺新加坡 我係唔會去囉 ~
16/5 旅協終於發出紅色警示 好多越南團都取消 不過只係 for 去到 26/5 我係 1/6 出發 所以要等到 23/5 先通知 其實 23/5 先通知真係好遲囉 講緊嘅係 10 日都唔夠就要出發 大佬呀 雖然係跟團啫 點都要 plan 下周圍行家嘛 ~
好喇 要有兩手準備 咁即睇下其他地方嘅資料 但其實選擇唔多囉 如果要 31/5 出發嘅話 我地揀咗西葡 / 土耳奇 / 俄羅斯 / 新加坡 / 檳城 咁一話取消就即報名呢 ~
23/5 打黎話取消越南團 咁即報名啦 但西葡同土耳奇已經 final 嗚嗚嗚 而俄羅斯最小要玩 10 日 咁唔得啦 最後選擇去新加坡喇 ~
今次去新加坡 最主要真係探冰姑囉 其實本來都諗住年底去探佢 自由行時間好用 d 嘛 同埋可以約埋佢一齊玩 但整定要早 d 見佢囉 呵 里奧大人話我終於見到冰姑 算係圓咗個夢喎 哈哈 ~
因為時間真係好緊迫 好多嘢想買都買唔到 好在之前已經寫定買咩比冰姑 唔駛即時諗買咩 唔係人都顛 ~
丫 新加坡比我第一個感覺係熱熱熱囉 但見到藍天白雲又好開心喎 可能冰姑又成日講好熱好熱 比佢潛移默化咗 哈哈 但好在熱得黎唔焗 間唔中有 d 風都幾舒服嘅 同埋環境好乾淨 治安又好 感覺好安全 ~
我其實係第 2 次去新加坡喇 之前係跟星馬團 所以逗留新加坡只係 1 晚咁多 但今次跟新加坡團嘛 同埋去 d 景點又 ok 喎 可能我無期望 所以覺得好有驚喜呢 同埋里奧大人又無去過新加坡 佢仲開心 叫做去個新地方嘛 ~
@ Gardens by the Bay
@ Cloud Forest
Red Panda @ Singapore Zoo
豬油渣 至今仍然念念不忘
撈埋肉腥麵一齊食 真係人間極品呀
交通方面 我地主要係搭 MRT 周圍去 都好方便呢 最正係 d 位又闊 同埋冷氣夠哂凍 真係 " 入咗去唔想出番黎 " 囉 不過我最欣賞係係好多人都唔會坐 " 關愛座 " 不過冰姑話我地可能係非繁忙時間搭先有咁情況出現 佢話試過無冷氣添呀 同埋 d 人坐關愛座 但見到有老人家都扮睇唔到 咁極端嘅 ~
住宿方面都唔錯架 起碼我每晚都一覺瞓天光 哈 ~
Sheraton Tower ( 5* )
Hotel Michael @ 聖淘沙名勝世界酒店
ibis Hotel @ Bugis
今次好感恩 因為 d 團友 導遊同領隊都好 ok 呀 大家都有講有笑 唔似係第一次見咁 哈哈 ~
老實講 今次去新加坡最最最開心係見到冰姑一家人 因為無諗過會見齊人囉 我諗住要去 Ipoh 先見到豬仔女同阿蘭架 估唔到喺新加坡可以見到 不過就見唔到冰爸 因為佢喺 Ipoh ~
冰姑同老豬都要番工 所以只係夜晚先同佢地食飯咋 同埋都唔可以咁夜添呀 因為佢地第朝要番工呢 ~
今次真係話見就見咁 所以 d 時間真係好緊迫 冰姑又係喺好短時間之內 買咗我鍾意嘅零食比我 實在太客氣啦 多謝妳呀 muack ~~~~
我覺得里奧大人都好鍾意今次嘅旅行呀 因為佢去到邊影到邊 曬到顛都唔走 係都要影埋先走囉 佢都影咗 16 GB 相呀 反而我好小影相 因為真係好鬼熱呀 ~
期望下次再見冰姑 不過唔想喺新加坡 嘩哈哈哈哈哈哈 ~
團費 HK$6,099 x 2
保險 HK$ 96 x 2
香港離境稅 HK$120 x 2
燃油附加費 HK$386 x 2
停留附加費 HK$600 x 2
香港機場保安稅 HK$ 33 x 2
新加坡離境機場稅及手續費 HK$270 x 2
ibis Hotel 2 晚 HK$927 x 2 ( 另加 17% Tax )
兌換率 HK$6.2 ( SGD 1 )
下次,我们约在thailand见面-因,老猪这个乡里没有去过-他一直好想去! 那,你和奥也爱-----我们plan下次一起去玩啊!!劲盼望啊 啊 啊!
回覆刪除唔係講笑 新加坡真係未必再去 好鬼熱呀 同埋無咩嘢玩 ~
刪除不如搬去泰國啦 咁就可以間唔中探妳 嘩哈哈哈哈 ~
原来一年了!永远都会记得这几天呢!muacksss
回覆刪除