熱熱熱。新加坡吃喝玩樂 4 天團 + 2 天自由行 Day 2 (Part 2/3) ( 1-JUN-2014 )

繼續行程 ( 1-JUN-2014  Day 2 Part 2/3 )

之後去 Locker 放低袋   就衝去 " Ancient Egypt 古埃及" 玩喇   又係排隊半個鐘   呢次勁喇   嗚嗚   原來係坐過山車   又黑媽媽又上又落又掟彎   好驚囉   之後睇番 d 相   我都係 me 埋眼   里奧大人就喺度笑   我真係好驚離心力架   不過點都要玩啦   都排咗隊咯 ~~

每一樣嘢都做得好認真   好配合主題

講真   其實我都無咩認真睇   因為好鬼熱   好在里奧大人周圍影相咋   我先知原來好多嘢我都無睇到呀   因為我一見到有冷氣嘅地方就會衝入去呢

睇相先知咁巨   哈   我無親眼睇度添

木乃伊復仇記 - 登上沙穴里的室內過山車   在一片未知的漆黑與死寂中   感受突如其來的木乃伊戰士和金龟子襲擊 <-- 天書咁講

入面好暗架   用手機影相都好難囉

木乃伊復仇記屬高速過山車   全程充滿驚險刺激的突發性大動作   如忽地加速 攀升 傾斜 降落或倒退   賓客必須在身體狀況良好時體驗遊樂設施 <-- 天書咁講   我好怕坐過山車架   好怕 d 離心力   同埋我全程合埋眼囉   都唔知發生咩事   只係想快 d 玩完   哈

Souvenir 好靚   不過接近 HK$200   唔係咁捨得買

原來頭先落咗場雨

之後又曬到暈   所以一見有冷氣嘅地方又即入去過冷河

玩咗 Transformer 同古埃及   我覺得呢 2 個景區真係好正   好值得去   因為我其實幾抗拒去 d 主題公園   但估唔到係咁有驚喜    我同里奧大人講   如果一陣無人   我要再玩過呢 ~

差唔多 1 點就去食嘢   whatsapp 比彩虹妹妹話佢知我地去馬來西亞食街   原來佢正想 whatsapp 我地一齊食嘢   里奧大人話其實一齊食嘢仲好   可以食好多嘢   彩虹妹妹又勁大食   咩都叫   好在佢又真係食得哂   之後佢比番錢我地   不過里奧大人一定唔收   佢無咩所謂   食得幾多丫   同埋一齊食一齊傾真係好開心呢 ~

喺呢度食 lunch


排隊買嘢食   咁都比里奧大人偷影到   勁

叫住咁多先   因為張枱唔夠位擺

Steam Chicken 白斬雞半隻 ( SGD 16 ) @ Malacca Chicken Rice Ball 馬六甲雞飯 - ok 啦

Rice Ball 雞粒飯 x 10 pcs  ( SGD 1.8 X 2 ) - 我地食下食下好鬼飽   所以就話邊個叫邊個食哂   咁見到仲有 4 粒飯   要開始計數啦   里奧大人話一早講明食 3 粒   咁彩虹妹妹話食咗 4 粒   我話食咗 3 粒   咁點解仲有 4 粒剩先   我地明明買 10 粒之嘛   之後彩虹話好似食咗 3 粒   我話我好似食咗 2 粒   是鬼但啦   里奧大人答案就無變   嘩哈   之後我話有圖有真相   開張相黎睇   原因係有 12 粒   真相大白

白咖哩麵 Curry Mee ( SGD 5.5 ) @ Penang Curry Mee - 估唔到好味喎

Fish Ball 魚丸 2 pcs ( SGD 1 ) - 好彈牙   醬汁又好味   彩虹妹妹同我一樣最鍾意食醬汁呢

福建麵 ( SGD 6.5 ) @ KL Jalan Alor Hokkien Mee - 我同彩虹妹妹都想食黑孟孟嘅麵   但又唔記得咩名   好在有得睇相咋   不過我最後真係太飽喇   無咩點食囉

熱呀   唔食冰唔得囉   但佢地檔口得 1 個人收錢同整冰   所以等咗都幾耐囉   d 冰都溶緊呢

Green Bean Soup 綠豆湯 ( 熱 ) ( SGD 2.5 )  / Penang Chendol 檳城晶露 ( SGD 2.8 ) - 彩虹妹妹要綠豆湯   我要食 Chendol   因為要降溫   同埋覺得佢材料好豐富   睇見都開心

Chendol 後面係 Lime Juice with Plum 桔子酸梅汁 ( SGD 2.8 / 杯 )   超好飲   不過一定要加水   唔係會太濃   喉嚨好涸   好感恩我有帶支水咋   我呀   掛住影相   原來個銀包就咁放喺袋上面   後尾個銀包跌咗喺地下   我先知咋    紅色銀包紅色袋撞哂色   真係無留意   驚險驚險

等等下有嘢響   原來沙爹已經燒好

Chicken & Beef Satay 雞肉 / 豬肉沙爹 ( SGD 0.8 X 10 pcs Min ) @ Straits of Satay 海峽沙爹 -  我地要 6 串雞肉同 4 串牛肉   彩虹唔食牛肉   所以比哂雞肉佢食   我鍾意細細串嘅串燒   可以食多 d

沙爹醬好香呀   百食不厭   哈

又入番去環球影城喇

依家無人企喺前面影喇

我都幾鍾意薑餅人   不過一定唔會買架喇   唔想買完又掉

毛巾質地好舒服   但其實都唔知呢件係咩來   哈

天氣好好   即係勁曬同勁熱   不過點都好過落雨   咁諗會好 d ^^

好喇   因為 Water World ( 未來水世界 ) 3 點先開始   咁見仲有 30 分鐘   要 killing time 嘛   里奧大人就話去坐船睇 "慌失失奇兵"   咁都好喎   只係雖要等 5 分鐘就入得去   咁排隊嘅時候   我仲以為係激流   但里奧大人話睇下 d 人出黎個身都無濕   個樣就目無表情就知唔係玩激流啦   之後入去睇   真係無聊到爆   我地直頭想瞓着添呀   所以終於明白點解 d 人出黎係目無表情喇   哈哈 ~

坐著木兜從紐約漂流到馬達加斯加   到底這個旅程有多驚險 ?! <-- 天書咁講   得佢先講得出   悶到嘔呀

有圖有真相   個個都呆哂出黎呀   嘩哈哈

又話 Water World 會喺 3 點開始   我地 2 點 55 分去到仲排緊隊   好奇怪囉   正路係比人入去坐家嘛   又熱到呢   真係底底都濕埋   同埋有 d 頭暈嘅感覺囉   之後等到 3 點 10 分先放人入去   真係唔知點安排   好唔掂呀   都 ok 好睇啦   不過場景好細   我覺得喺澳洲 Warner Brothers 震撼 d ~

人頭湧湧   有 d 人頂唔順都走咗 lu

真係好多人睇

我地對住呢度   都唔錯架

表演範圍好細   不過氣氛好好   表演人物同觀眾好互動   而佢咁興奮嘅樣   係因為佢啱啱 fing 水去觀眾度囉   呵呵   所以一定唔會坐前面架   濕身事小   濕機事大呀

之前 d 人物一出場   就會片 d 水落觀眾度架   好在米高叔叔一早同我地講   呢度 d坐位有唔同顏色   最前唔記得係咩色   但一定唔可以坐   因為代表妳玩得   即係會隨時 fing 水落妳身果度呀 

咁倒吊都好辛苦囉

里奧大人知我咩鬼都驚   無啦啦同我講   妳實唔夠膽咁樣企   痴鬼線

臨完場就落雨   我地仲以為係特別效果添   原來真係落緊雨   哈哈

好在唔係長命雨   所以等 d 雨停咗先走   好鬼熱呀   d 地氣犀利到呢   我地好似企喺個蒸籠入面咁   終於明白冰姑成日話落完雨最熱   所以我一見到餐廳就入去啦   食就食唔落架喇   旨在嘆冷氣同埋坐低抖抖   之後又周圍行下啦   其實地方真係唔大   所以點都要行下   唔係無嘢做   哈哈 ~

我真係好鍾意呢 d 車   夠哂 classic

阿奧你望咩呀   影緊你喎   企好 d 啦

                        

無心機影   居然影到咁嘅色   甩色金象獎   哈哈

好在里奧大人有影咋

睇完再去玩多次 Transformer   今次無咁多人排隊   但都唔可以叫做小人囉   今次坐第 3 行   一樣咁刺激 ~

終於影得清楚喇

再見

之後又想飲嘢   所以又去番馬來西亞食街呢   哈 ~

Walker Talkie 真係好重要   同埋最緊要你細細個   我之前拎住 hand free 同里奧大人講嘢   彩虹妹妹唔知我用緊 walkie talkie   問我做咩口 up up   哈哈 

Asam Laksa 阿參喇沙 ( SGD 5 ) @ Penang Asam Laksa - 好味喎   酸酸地   其實唔知係咪新加坡太熱太熱   我好想食酸嘢   但反而喺馬來西亞又唔鍾意食 Asam Laksa 喎   覺得太酸   哈

Lime Juice with Plum 桔子酸梅冰 ( SDG 2.80/杯 ) @ Petaling Jaya Toast & Drinks ( 八打靈再也土司及飲品 ) - 我好鍾意飲呀   不過一定要加半杯水溝淡   如果唔係會太濃   飲完喉嚨會好涸

食完就再行下   5 點彩虹妹妹 whatsapp 我   話幫我地 keep 住房鎖匙   我同里奧大人話佢好痴纏   驚我地撇低佢   哈哈   其實係我衰咗啦   因為彩虹妹妹話我頭先話 4 點去找拎 key 架   佢話見我咁耐唔到   所以幫我地 keep 住   之後再約埋時間一齊出去食嘢 ~

最緊要有天幕

酒店大堂

上房喇

之後仲搞笑   咁我地住 7 樓   彩虹妹妹住 8 樓   咁 7 樓開 lift 門嘅時候   我就好自然按住 lift 制   彩虹妹妹就好自然咁出 lift   之後佢行幾步擰番轉頭   而里奧大人就話我地先住 7 樓喎   嘩哈哈哈哈   佢話我地兩個奇奇怪怪呀   咁都會搞錯   太熱嘛   熱到人都顛咪咁解囉   呵呵 ~

我地住 7 樓

入到房第一件事係沖涼   我好多時同冰姑 skype   佢話去街之前會番屋企沖個涼先   我覺得好怪啦   一陣出街都熱架啦   駛咩特登番屋企沖涼喎   直到今日   終於明白點解佢要咁做   新加坡真係好鬼好鬼好鬼熱啦   連里奧大人怕凍嘅都話熱   何況我呢 d 熱底人呢 ~

Hotel Michael - 由美國建築大師 Michael Graves 打造的酒店   是全球唯一由他所設計的酒店   酒店每一角落也充滿 Michael 的建築風格   色彩豐富   又有不同的幾何線條   就像是他一伸手  就變出如此美麗的設計   在房內牆身 床頭板上也有他的畫作   而浴室花灑浴缸   環形的設計玩味十足 <-- 天書咁講
                 

我鍾意呢 d 梳化


有 3 張櫈   都算多喎


望出去係咁嘅   里奧大人爬喺床上面影相   攣黎攣去咁影   我話佢係咪以為自己係戰地記者呀 ?!

有 Cable Car 喎   唔知去邊嘅呢 ?!

里奧大人發現新大陸   佢話原來洗手間圖案咁靚喎   佢無睇天書架   估唔到佢會咁留意洗手間   哈哈

番到酒店   佢地都需要叉叉電 

買比冰姑呀 Penny 同 Carmen 嘅小零食   我好小會買咁多架   所以要影相留念   哈

呢日未完架 ^^