熱熱熱。新加坡吃喝玩樂 4 天團 + 2 天自由行 Day 6 (Part 1/3) ( 5-JUN-2014 )

( 5-JUN-2014  Day 6 Part 1/3 )

今日要番香港喇   所以 9 點要起身   想再周圍買下嘢食下嘢咁呢 ~~

去番尋晚嘅 Food Hall 食早餐   原來里奧大人想食油渣麵呀   佢話尋晚食咗小小   覺得好惹味   所以留番哂比我食   今日佢要自己食一碗   哈哈 ~

冷氣夠哂凍   好似教咗 15 度   所以呢   所有鏡頭都濛哂   ( 我比里奧大人話我呀   我叫佢 "何" 下個鏡頭咪得囉   呵呵 )

落緊毛毛雨   但都唔覺得涼

已經開始忙

大把工作枱   哈

我覺得佢背面好似阿蘭   原來我部相機鏡頭仍然係濛   呵

水餃山

指天椒 / 蒜蓉辣椒豉油 / 豬油渣 - 全部係我最愛

圓碌碌早餐

好味呀   不過食到最後就好酸   因為有醋   尋晚唔覺酸架噃   之後問番冰姑   佢話佢唔鍾意醋   所以無落   hey   做咩唔同我講架 @@

朝早食蒜蓉辣椒   對我黎講都算激架

我叫里奧大人去買咖啡   之後里奧大人笑哂口話 SGD 1 咋 ( 我睇番張相   明明里奧大人得 1 件白底相機圖案 tee   點解佢會有件桃紅色相機圖案 tee ?!   之後認真睇   原來係真相機   因為佢日日都係帶大細機出街   背囊重到爆   又熱   所以好佩服佢 @@ )

雖然好濃   但又好飲喎   因為唔澀口   SGD 1 真係雙重驚喜   哈哈

實在太舒服喇   因為無咩人   即係可以靜靜地食早餐   我最想要係咁呢

天色又好番 d 咁噃   新加坡每日都會落一場雨   所以米高叔叔話好多樹都好靚   唔會咁快洞謝

唔係冰姑帶路   真係唔識去

可以坐出面   不過一定唔會係我囉

觴   係咪讀雙 ?!   讀書小呀   我未見過呢個字   定簡體字呢

里奧大人之前話 Bugis 有間梧嘈中心   個名好得意喎   叫 " 唔嘈 " @@

個地下好靚呀

呢座 building 好靚   唔知係咪住宅呢   因為我見到有單位係開咗窗呀 

好   食完就番酒店執嘢喇   Check-out 放低行李就出去行下 lu ~

ibis Hotel 嘅 icon 係枕頭黎架   因為我搭 lift 嘅時候   見到 poster 所有人都拎住紅色枕頭囉

呢度係酒店後面

一陣喺度坐的士去機場

附近都好多酒店

杯麵好 "牙" 位   差唔多放咗半邊喼   冰姑又特登買咗 6 罐 100 plus 比我地   但我地驚 overweight   所以飲咗兩罐先   勁唔捨得架   嘩哈   因為香港依家要 HK$6.9   好貴囉

估唔到紅色袋仍然係脹卜卜拎番香港   因為冰姑買咗好多零食比我   太客氣喇   又買咗 4 個 Pandan cake 比我同屋企人   寵壞哂   哈哈

間房係咪好細呀   左邊門係廁所   落床唔駛 10 步已經入到廁所   不過就真係好乾淨   乾淨最緊要呢

要走喇

今日主要喺 Bugis 區周圍行   唔想趕頭趕命去機場嘛 ~

撞哂色   哈哈

指標黎架

紅紅綠綠最易認   如果喺日光日白嘅時候

今次認真行 Bugis Street 喇   所以買咗 1 個袋 ( SDG 10 )   之後要就住黎買   因為驚唔夠錢   不過後尾見到有地方唱錢   咁就唔駛驚啦   里奧大人叫我放心買   不過都係再買咗 2 件衫 + 1 對鞋   真係無嘢想買喇 ~

快 d 行喇   爭取時間買嘢

d 袋真係好平   最啱用黎落街用   不過呢間舖頭嘅袋有 d 係 4 for $10   有 d 就 $10 一個   我就買咗 1 個 $10 嘅間條袋   中間紅黃綠黑果個呢

估唔到最上層有個螢幕

無諗過會有 d 咁嘅嘢買囉 @@

呢度好有和風 feel   但其實咩都有得買   我喺零食店隔離買咗把縮骨遮

呢日未完架 ^^