今日要番香港喇 所以 9 點要起身 想再周圍買下嘢食下嘢咁呢 ~~
去番尋晚嘅 Food Hall 食早餐 原來里奧大人想食油渣麵呀 佢話尋晚食咗小小 覺得好惹味 所以留番哂比我食 今日佢要自己食一碗 哈哈 ~
冷氣夠哂凍 好似教咗 15 度 所以呢 所有鏡頭都濛哂 ( 我比里奧大人話我呀 我叫佢 "何" 下個鏡頭咪得囉 呵呵 )
落緊毛毛雨 但都唔覺得涼
已經開始忙
大把工作枱 哈
我覺得佢背面好似阿蘭 原來我部相機鏡頭仍然係濛 呵
水餃山
指天椒 / 蒜蓉辣椒豉油 / 豬油渣 - 全部係我最愛
好味呀 不過食到最後就好酸 因為有醋 尋晚唔覺酸架噃 之後問番冰姑 佢話佢唔鍾意醋 所以無落 hey 做咩唔同我講架 @@
雖然好濃 但又好飲喎 因為唔澀口 SGD 1 真係雙重驚喜 哈哈
天色又好番 d 咁噃 新加坡每日都會落一場雨 所以米高叔叔話好多樹都好靚 唔會咁快洞謝
唔係冰姑帶路 真係唔識去
觴 係咪讀雙 ?! 讀書小呀 我未見過呢個字 定簡體字呢
呢座 building 好靚 唔知係咪住宅呢 因為我見到有單位係開咗窗呀
好 食完就番酒店執嘢喇 Check-out 放低行李就出去行下 lu ~
ibis Hotel 嘅 icon 係枕頭黎架 因為我搭 lift 嘅時候 見到 poster 所有人都拎住紅色枕頭囉
一陣喺度坐的士去機場
附近都好多酒店
杯麵好 "牙" 位 差唔多放咗半邊喼 冰姑又特登買咗 6 罐 100 plus 比我地 但我地驚 overweight 所以飲咗兩罐先 勁唔捨得架 嘩哈 因為香港依家要 HK$6.9 好貴囉
估唔到紅色袋仍然係脹卜卜拎番香港 因為冰姑買咗好多零食比我 太客氣喇 又買咗 4 個 Pandan cake 比我同屋企人 寵壞哂 哈哈
間房係咪好細呀 左邊門係廁所 落床唔駛 10 步已經入到廁所 不過就真係好乾淨 乾淨最緊要呢
要走喇
今日主要喺 Bugis 區周圍行 唔想趕頭趕命去機場嘛 ~
撞哂色 哈哈
指標黎架
紅紅綠綠最易認 如果喺日光日白嘅時候
今次認真行 Bugis Street 喇 所以買咗 1 個袋 ( SDG 10 ) 之後要就住黎買 因為驚唔夠錢 不過後尾見到有地方唱錢 咁就唔駛驚啦 里奧大人叫我放心買 不過都係再買咗 2 件衫 + 1 對鞋 真係無嘢想買喇 ~
快 d 行喇 爭取時間買嘢
d 袋真係好平 最啱用黎落街用 不過呢間舖頭嘅袋有 d 係 4 for $10 有 d 就 $10 一個 我就買咗 1 個 $10 嘅間條袋 中間紅黃綠黑果個呢
估唔到最上層有個螢幕
無諗過會有 d 咁嘅嘢買囉 @@
呢度好有和風 feel 但其實咩都有得買 我喺零食店隔離買咗把縮骨遮
呢日未完架 ^^
hey 好強啊妳 嘩哈 係熱帶國家仲著長袖
回覆刪除hey 好強啊妳 嘩哈 成o急杯麵 wow ....
表呀 我件係中袖 不過我手短 所以好似長袖 嘩哈 ~
刪除杯麵呀 終於食哂 依家見到都驚 哈 ~