熱熱熱。新加坡吃喝玩樂 4 天團 + 2 天自由行 Day 3 (Part 2/3) ( 2-JUN-2014 )

繼續行程 ( 2-JUN-2014  Day 3 Part 2/3 )

12  點出發去食娘惹菜   完完全全係香港人口味 ~~

又出發喇         

喺呢度食娘惹餐

得一枱人咋

班蘭飯 - 整色整水 ^^

魚蛋湯 - 每人一大粒魚蛋

呢碟係正宗娘惹菜黎架   不過我唔記得咩名堂    我覺得似炸肉丸咁囉   無咩特別

居然有咖哩雞

炒蕃薯葉   我最愛

炸魚

炒椰菜花

仲有碟唔知咩蝦   不過太遠無影到呢

木薯糕   都唔煙韌嘅   次次食呢 d 好似煙韌嘅物體   里奧大人都會叫我食先   如果煙韌就留比我食   不過呢 d 都唔煙韌嘅   叫佢食番   哈哈

渣咋 - 米高叔叔強調新加坡渣咋材料係唔同香港嘅渣咋材料   咁反而我鍾意食新加坡渣咋噃   無咁飽肚   同埋可以身處新加坡好鬼熱   唔想食熱嘢    哈

商業區

食完飯就去 National Orchid Garden ( 國家蘭花園 )   不過今晚約咗同冰姑食飯   所以我唔行上去影相喇   唔想成身立痴痴囉   叫里奧大人影比我睇就算 lu ~

藍天白雲   感恩感恩

d 香蕉仔好得意

咁似頭先食嘅木薯嘅   哈哈

地下兩塊樹葉好似老鼠


好開心見到松鼠呀   叫里奧大人即刻影   想影多張都唔得 lu   佢走得好鬼快

GINGER GARDEN

里奧大人同團友一齊行上去   我就去 Cafe 嘆冷氣   我叫里奧大人記得影多 d 花比我睇呀

枯葉落到呢棵植物度   咁枯葉腐爛咗之後   棵植物就會吸哂佢 d 營養

跳舞蘭好靚呀

恐怖囉

保護色

呢棵植物好得意   好似想捲 d 人入去咁

耶 ~~~~ 終於可以番上車涼冷氣喇

我自己行番落去 Halia 餐廳飲 Ice Kopi   勁爽呀   之後彩虹妹妹落黎陪我喇 ~

可以坐出面   不過我睇見到熱   哈

Iced Kopi ( SGD 8 ) - 我真係覺得貴架   不過為咗涼冷氣就無計啦   好在我留番半杯比里奧大人咋   因為佢成頭汗呀   唔知以為佢踢完波呀  

彩虹妹妹杯 Apple Juice 都要 SGD 6   咁我當堂覺得自己杯 Iced Kopi 抵好多   哈

坐車沿途見到呢 d 屋   豪宅黎架   不過住呢度真係一定要有車囉

3 點 lu   時間過得真快

呢個廣告好得意

建築物真係好靚

行多陣就走喇   出發去牛車水 ( Chinatown )   即係唐人街   我覺得牛車水個名好得意   黎到呢 d 地方即係買手信嘅地方啦   里奧大人就勁驚   不過放心啦   我買咗好小嘢之嘛 ~

我買嘢時里奧大人就出去周圍影   佢情願影相都唔試食架   所以我幫埋佢食   勁開心   哈哈 ~

試食最開心   與此同時   里奧大人自己都唔知走咗去邊度影相 lu

買咗小小嘢咁啦

平日無咁多人行就最開心   因為熱辣辣又多人行   真係無心機行囉

終於比我買到心水磁石貼   最緊要唔貴   又有特色   開心開心

里奧大人見到 d 絲巾   就即刻話買比我同媽咪同家姐 ^^

里奧大人話影到比佢發現   呵   不過佢好 nice 架   仲同里奧大人微笑

我雙眼真係只係睇嘢食   原來胡振隆上面嘅建築物係咁有特色   真係依家睇相先知咋

買完就同埋彩虹妹妹一齊去另一邊搵食   大家有個共同目標   就係要有冷氣   哈哈 ~

紅黑紅黑   人景合一

d 窗好靚呀真係

呢度多人 d   因為有好多食店

醒獅仔都好得意噃

里奧大人一見到個肥字   就會一路影一路笑   痴線

我覺得好似公廁咁呀

經過一間舊式 Shopping Mall   諗住過冷河嘛   比里奧大人見到有得唱錢   兌換率係 6.1x   又 ok 喎   所以唱咗 HK$3,000   應該夠洗喇啩   我今次真係好忍手架   樣樣買 dd   唔係掃貨架 ~

我地諗住去有冷氣地方食嘢   不過有冷氣嘅食店又唔係咁啱食   兜下兜下又去番落車位置   有間都唔錯   以為有冷氣   原來只得風扇   但坐定咗都無咁熱    老規矩   我同彩虹妹妹去買嘢食   次次買第 1 樣嘢都係凍飲   因為真係好鬼熱呢   呢餐佢又比下   我又比下   都唔錯喎   因為 share 咁計都幾煩   數目太細   好難記呀 ~

左邊係蔥米水 / 右邊係馬蹄水

豆枝 ( SGD 1 ) / 魚條 ( SGD 1 ) - 口痕想食嘢   不過彩虹妹妹自己就食咗碗魚蛋河   勁

唔好食嘅 @@

但辣椒醬就好好味

得風扇咋   但呢間算最涼架喇   哈

入面都好多嘢睇   不過好熱   要急急腳行

又出發去睇獅頭魚尾像同榴槤地標 ( 海濱藝術中心 Esplanade )   影呀影   其實真係無咩好影   哈哈   因為好鬼熱啦 ~

呢棟係公營大廈   即係香港嘅公屋   真係靚鬼到丫   好似有 5x 樓   同埋有空中花園比住客做運動   唔駛迫埋一處地方喎   咁鬼細心   香港要學下啦   唔好咩都錢錢錢

彩虹妹妹話呢間好食   我話妳食過呀 ?!   佢話無呀   話睇個樣好似好好食咁喎 @@

我第一眼係留意到點解粒珍珠形狀咁搞笑囉

我影咗 1 張相咁大把   哈


我其實想扮拎起個蓮花   之後睇相覺得好似想吸走個小朋友咁   哈

dup 佢個頭 ?!   但其實我都唔知點解做呢個動作   哈哈

外型有如蓮花又如手嘅就係 Art Science Museum ( 金沙藝術科學博物館 )

呢日未完架 ^^