熱熱熱。新加坡吃喝玩樂 4 天團 + 2 天自由行 Day 2 (Part 3/3) ( 1-JUN-2014 )

繼續行程 ( 1-JUN-2014  Day 2 Part 3/3 )

好在新加坡夜晚無咁熱   可能我地又沖完涼啦   感覺舒服好多 ~~

我地坐單軌電車出去 Vivo Center   彩虹妹妹叫里奧大人帶路做佢領隊   佢醒啦   唔靠我   哈哈 ~

Sentosa Express ( 單軌電車 )  以港灣區的 Vivo Centre 為總站   往聖淘沙只需 4 分鐘   曼最快的交通公具   只有 4 個站   包括 Vivo City 站, Imbiah 站, Waterfort 站及聖淘沙站 <-- 天書咁介紹   里奧大人晏晝影咗紅色嘅列車

我夜晚就影咗綠色嘅列車   唔知係咪出同入嘅顏色唔同呢

得 4 個站架咋

諗住去 Food Hall 食嘢   不過太多人   所以行咗超市先   我最鍾意行超市   特別係外國嘅超市   好大間   又多嘢睇   架購物車又大   我坐落去伸直對腳都得喎   咁當然我又矮呢   同埋轉彎都好考功夫架   不過地方夠大   點轉都唔會撞跌嘢呢 ~

大大間 Giant   香港嘅超市係咁大間就好咯

SGD 2   單位數好似好抵   但其實要 HK$12.4   我唔會買   因為仲有好多選擇 

放到咁高點拎喎

Mamee 麵必買啦   不過買住 1 包先   因為我覺得出面 d 超市應該平 d

里奧大人最愛嘅 100 plus   買咗 4 支   因為買 2 支係 SGD 2   單買 1 支要 SGD1.25   咁尋日喺 Cold Storage 買 SGD 1.9 咪好鬼貴 @@

24 包細薯片   寫明每款有幾多包   不過有 d 啱食   有 d 唔啱食   所以無買

行下睇下買 d 嘢咁啦   彩虹妹妹無啦啦話我好鍾意買嘢   我好奇怪佢點解咁講   因為我真係買咗幾包零食之嘛   佢話里奧大人話佢老婆好鍾意買嘢喎   亂 up ~

買咗 SGD 33.05   今次要簽卡喇   唔想用哂 d cash   今次係我衰啦   好老定話唔駛唱咁多錢   導遊實有得同妳唱   點知原來米高叔叔無得唱   搞到用錢要計住計住   不過好在新加坡買嘢唔平   都唔會話亂買嘢   d 錢用黎食嘢多囉 ~

辛苦里奧大人幫我地拎呢   話說如果要推購物車係要入按金嘅   但我唔記得幾錢喇    咁買完之後要推番原位先可以拎到錢 ( 好似 )   我記得佢地目的係唔想 d 人亂咁擺 d 車   但里奧大人差 d 唔記得拎   好在我提佢咋   雖然唔多   但都係錢   嘩哈哈

買完就去食嘢喇   我地唔想去大食代   所以去另一邊 Food Hall   果度分開 2 邊嘅   咁我地即刻搵位   之後里奧大人負責坐低睇住嘢   我同彩虹妹妹就去買嘢食   不過好多都收檔   所以一有嘢食就買喇   唔係再諗下就無埋呢 ~

因為里奧大人坐緊果邊要 close   所以我同彩虹妹妹買咗 d 米粉放喺枱度先   佢再去買嘢   我就叫埋里奧大人過黎   之後再一齊買過 ~

一早叫咗嘅龍眼冰同荔枝冰   買完哂嘢食   見到 d 冰都溶哂 lu   買嘅時候超勁多冰架   成個金字塔咁架

@  Cheng Long Food Enterprise 成龍食業
Spicy Fish Soup 香辣炸魚湯 ( SGD 4.5 ) - 都幾辣架   唔錯喎   天氣太熱   一定要食 d 辣嘢先開胃

Fish Soup / Sliced Fish Thick Bee Hoon 魚湯 / 魚片粗米粉 ( SGD 4.5 ) - 湯底無咩嘅   所以要點辣椒豉

Fried Fish Thick Bee Hoon 炸魚粗米粉 ( SGD 4.5 ) - 炸魚好味   因為唔腥

我同彩虹妹妹再分頭行事睇有咩嘢食   我想食印度薄餅   不過等咗陣就放棄   因為我想要嘅都無哂   而彩虹妹妹就叫咗小棠菜   d 甜豉油好味呀

彩虹妹妹叫嘅雞腎 - 呢個麻麻   有陣味咁

之後再一齊買嘢食   左上角好似係 Mee Pok Dry 面薄干 ( SGD 4.2 ) - 辣辣地唔錯

Minced Meat Noodle 肉脞面 ( SGD 4.6 ) - 撈埋一齊就好食   個汁都幾惹味

Mini Wok Noodle 小鍋面 ( SGD 5.8 ) - 魚片好味呀

丫   一到 10 點連冷氣都無埋添   所以快 d 食完快 d 走喇   估唔到呢個商場都好早收   見到好多店舖都收咗 ~

又坐番單軌電車番酒店喇   咩都唔做就即沖涼   之後睇下電視   11 點幾瞓 lu ~

呢日行程完畢 ^^