Green Monday 蒜芹炒米粉 + 菜心苗 ( 9-JUN-2014 )

( 9-JUN-2014  MON )

終於收拾心情番工喇   不過其實我番工都開心嘅   有 d 寄託   又可以賺錢 ~

早餐食奶油脆豬   真係無咩胃口咁   真係好難得   希望唔好再咁大食啦   哈哈 ~

番到菇場打仗啦   離譜啦   明明急嘢都唔做   留番比我做   咁妳就唔好話急啦   急就要即做家嘛   唔係等我番黎囉 ~

做到 lunch time 呀   又唔餓   家姐又打黎傾計   傾到 1 點半   好在今日食 flakes 加朱古力奶   夠哂方便   呵呵 ~

諗住抖下   點知又有嘢做   放工都未做完架   好在唔急   留番聽日先做   因為真係好鬼攰呢 ~

放工去街市買餸   真係太耐無煮飯   唔煮唔得囉 ~

番到屋企都無抖就預備晚餐喇   切切浸浸都搞到 7 點   要即煮喇   今晚我食先嘛   所以煮完就沖涼   之後再慢慢食 ~

里奧大人 7 點 45 分放工   咁煮冬蔭功麵比佢食   我要清哂泰國買嘅麵   之後再清新加坡買嘅麵   哈 ~

我 Green Monday 嘛   不過都煮咗個榨菜木耳絲炒豬肉比里奧大人做餸   佢成日話自己好細食   又話 "鍾意" 食菜   但成日食麵就食得哂   反而食幾條菜就話飽 ~  

      
媽咪工人今日番印尼   家姐就慘 d   要去媽咪屋企瞓   我就星期六去瞓   無計啦   我睡眠質素唔好   最大問題係我無 AQ 同 EQ   里奧大人好驚我同媽咪係鬧交收場呀   所以唯有犧牲家姐啦   哈 ~

是日懶餐 - 蒜芹炒米粉 + 菜心苗  

蒜芹炒米粉 - 我真係好鍾意蒜芹炒米粉   就咁點辣豆板醬已經好好食呢 ~   

菜心苗 - 好耐無食菜啦   覺得 d 菜好甜呀   哈哈 ~   

唉   塊臉無啦啦紅咗一撻   都唔知係咪癬   里奧大人即刻幫我搽俄羅立英囉   但其實去新加坡果日已經想敏感架喇   之後見冰姑   佢都問我塊臉咩事   今日 d 同事又問我塊臉做咩紅咗一撻   嗚嗚   快 d 好番啦唔該 ~

搞掂哂都 9 點喇   食埋生果就休息喇   今晚唔係好眼瞓咁   但 11 點半都要瞓喇 ~