熱熱熱。新加坡吃喝玩樂 4 天團 + 2 天自由行 Day 5 (Part 3/3) ( 4-JUN-2014 )

繼續行程 ( 4-JUN-2014  Day 5 Part 3/3 )

今晚約咗冰姑同 Penny 食飯   所以行陣 Bugis Street 就番酒店   沖涼抖陣就出發喇 ~~

呢條 Bugis Street 係每日必經架

環保袋 SGD10 有 3 個   超勁抵   仲要有埋拉練   所以里奧大人話唔駛諗啦   買啦

行喇喂 ~~~~   其實呢度買女裝多囉   所以里奧大人就最驚   哈哈  

印度廟   我覺得佢地 d 衫好同飾物都好靚

里奧大人話唔敢影   我話怕咩呀   又唔係喺入面   影啦

印度廟隔離係觀音廟   oh   滿天神佛

我搵緊 Supermarket 買杯麵嘛   我睇到 Supermart 以為係 Supermaket   仲好開心同里奧大人講 @@

巴打你好

因為好想買杯麵   但又搵唔到超市   所以要麻煩冰姑幫我買 15 個杯麵   差唔多出發先醒起   今晚冰姑仲買咗 4 個 Pandan Cake 比我   佢一個人拎咁多嘢   真係唔好意思   唉 ~

約咗冰姑 7 點半喺 OG ( 奇奧酒店 ) 出面等   原來阿蘭同豬仔豬女都黎埋   真係好啦   今日先同里奧大人講   想同豬仔豬女影相嘛 ~

地標

原來呢度都好多嘢睇架   聽日行下先

原來係去 Food Hall 食嘢   呢間 Food Hall 食物種類唔多   但就有我超勁期待想食嘅油渣麵喇   勁好味囉   豬油渣脆卜卜   唔理佢 3 高定 5 高   食咗先算   哈哈 ~

跟大隊搵食   我地步伐全部一致   勁呀

肉脞面 (SGD 4 ) - 冰姑要河粉   我食咗啖   都好滑噃   不過我唔敢食太多   驚胃脹   咁之後就咩都食唔到架喇   呢個時候我最錫身呢   哈

鮑魚肉脞面 ( SGD 5 ) - 呢碗係狗仔粉   即係銀針粉

我初初以為係辣菜甫   之後冰姑話係豬油渣   同香港嘅豬油渣唔同喎   不過呢個好食好多   依家諗起都想食

撈埋一齊食   好味道

冰姑叫架   唔知叫咩名   不過冰姑話知我要食菜喎   係咪架   哈

印度薄餅 - 同冰姑話想食印度薄餅   所以佢又叫喇   豬仔勁鍾意食   佢配給比我咋   但阿蘭話有 d "叔"味   食食下又似   但冰姑話係咁樣架喎

咖哩什菜 ?!   我無食呀   因為我主打食油渣麵   呵

小鍋面 ( SGD 5 ) - 里奧大人話唔夠食   所以買呢個面   賣相一流   真係好滾熱辣咁   哈

左邊係荔枝 xx / 右邊係海洋 xx

阿蘭知我想食 Rojak 又叫冰姑買   Penny 又特登走勻哂 Bugis 買 Rojak 比我食   勁感動   同埋勁唔好意思啦   里奧大人話咗我幾次呀   麻煩到人嘛   咁又事實係   我都覺得自己好衰囉   要人地周圍行 ~

我買比豬仔豬女架   佢地即刻用呀   希望佢地鍾意啦

冰姑買咗好多嘢比我呀   又要拎番一大袋走   所以一定要上冰姑屋企先   之後拎番酒店再 join 番佢同 Penny 一齊再傾過 ~

Total 叫咗 5 支   冰姑請架   我掛住傾計   都唔知佢喺邊度買   哈   總共飲咗 5 支   不過我飲 1 杯就夠架喇   同佢飲咗 2 晚啤酒   我已經飲咗幾年嘅份量咯

冰姑驚我唔飽   又叫咗 Kaya Toast   不過我食唔落呀   最後冰姑要打包番屋企   比老豬做早餐   呵呵

今朝我特登叫里奧大人 send SMS 比老豬   約佢出黎飲嘢架   雖然我地知佢夜放工   不過里奧大人話點都要約老豬囉   難得去新加坡探佢地   無理由見唔到老豬家嘛 ~

老豬 11 點到喇   我見到佢即叫佢過黎   里奧大人好奇怪點解我會認到佢   大佬   我有上 FB 家嘛   成日都見到阿豬架啦   同埋都會見到 Penny 同 Carmen   唔係點會認到佢地呀 ~

雖然 Penny 斯斯文文   但都好講得下   里奧大人同佢好好傾添   佢話 Penny 講嘢慢 d   所以知佢講咩   冰姑同 Carmen 就講得好快   但都聽到 8 成   不過我可能知道冰姑講嘢係好快   我又覺得無咩問題   哈 ~

衰冰啦   無啦啦講流動頭盔   笑到個個流眼水   條友講到真嘅一樣   又話阿豬要出黎 man d   所以頭先番屋企用 marker 點 d 鬚根出黎   笑鬼死   所以里奧大人話冰姑唔好怪老豬成日唔煮嘢比佢食   因為用 marker 點 d 鬚根出黎   都可能要個幾鐘   嘩哈哈 ~

Penny 12 點幾走喇   我地就再傾   傾到 2 點 10 分呀   真係要走啦   佢地第日仲要番工嘛 ~

番到酒店真係要即沖涼瞓覺喇   里奧大人話瞓到自己醒   我話唔好呀   瞓到 9 點就得架喇   我想再周圍行下嘛 ~

呢日行程完畢 ^^