熱熱熱。新加坡吃喝玩樂 4 天團 + 2 天自由行 Day 3 (Part 3/3) ( 2-JUN-2014 )

繼續行程 ( 2-JUN-2014  Day 3 Part 3/3 )

5 點半食飯喇   今晚去食嘅嘢就係人氣美食 " 招牌黑胡椒蟹 " 同 " 麥片蝦 "   umm   環境就一流   但食物就真係好普通囉 ~~

兩個人有六個位   仲可以一左一右咁坐   真係唔錯架   呵

我要認住呢棟座 building   因為今晚要行去呢度搭 MRT 搵冰姑

無咩人行嘅商場

5 點幾食早飯

好 Grand 咁噃

個 View 唔錯架   不過我影得唔好   嘻嘻

隻隻都係巨碟

金銀蛋莧菜

上湯浸蕃薯苗

炸雞翼   我第一次食團體晚餐係炸雞翼   我無食到呀  

炸春卷 / 燒鴨 / 芝麻八爪魚

豆腐羹 ?!   我覺得呢個最好味

白飯魚煎蛋 - 無食呀

麥片蝦都好味呀   因為辣辣地   好開胃

豉汁蒸魚   條魚好巨架   d 汁好味道

我未食過正宗黑胡椒炒蟹架   但一食落口就覺得有陣燶味囉   之後 d 團友都係咁講   隔離枱 d 團友都係無咩人食碟蟹   碟蟹係呢餐主角黎架   唉

團友食完就入番 Sentosa   我同里奧大人就去探冰姑喇   咁我拎一大袋嘢嘛    d 團友以為我地番香港   之後我地話探朋友   佢地仲開心過我咁   搞笑 ~

彩虹妹妹仲同我講   話米高叔叔之前覺得我地好奇怪   點解兩個人去 4 日要拎 2 個中喼同 1 個大袋   而個大袋仲係脹卜卜添   之後彩虹妹妹話我地之後會探朋友嘛   所以疑團即刻解開哂啦   哈 ~

有冷氣架   " 入咗去唔想出番黎 "   呢句係我全程講得最多嘅說話

接受現實啦

眼前見到呢座 building 就係已經到咗 City Hall 站喇

放工時間都多人

月台位置   我同里奧大人第一句就話: 駛唔駛咁大地方呀   羨慕呀

今晚約咗冰姑 7 點 15 分左右喺 Bugis ( 武吉士 ) 等呀   里奧大人叫呢個地方係 "無 guts"   所以好易記呀   哈哈 ~

好緊張呀   同冰姑識咗 7 年   佢係我第一批識嘅 Blogger 黎架   都 keep 住聯絡   同埋佢真係好關心我   好耐之前我出咗院   佢打黎比我   教我點點點   傾咗 1 個鐘呀   之後對上一次我入院   佢就喺我入院前寄咗 "沙龍" 同拖鞋比我   我問佢點解寄拖鞋比我   佢話驚我唔着拖鞋   吸哂 d 地氣唔好   我真係好感動   咁細微嘅地方都諗到呢 ~

我地喺 Guardian 等   好在上次去馬來西亞知道咩係 Guardian    即係香港嘅 Mannings 呢   我唔知冰姑認唔認到里奧大人   所以里奧大人叫我喺 Guardian 呢埋   睇下佢認唔認到佢喎   不過我喺玻璃窗見到里奧大人比人反跟蹤啦   哈哈   見到冰姑第一件事係攬攬先啦   佢最想就係呢樣   哈哈 ~

里奧大人好快咁過馬路   行咁快做咩喎   咪一樣要等我地   定係想同我地影張合照呀   哈

去到冰姑屋企喇   佢買尿袋酸梅冰比我作見面禮   我覺得好飲呀   唔知係咪太熱   飲 d 酸嘢無咁辛苦 ~

尿袋酸梅冰   冰姑之前成日話買尿袋咖啡比我飲   不過知我太夜係唔飲咖啡   同埋我話想飲酸嘢   所以佢買比我飲喇   多謝哂

一入屋見到豬仔豬女   咁冰姑媽咪阿蘭就洗緊鑊   原來佢啱啱煮完飯呢   之後佢都一齊坐低傾計喇   冰姑就去沖涼   唔理我地啦   哈 ~

我地叫冰姑媽咪做阿蘭姐架   之後冰姑同我講   話阿蘭姐問佢點解我地會知阿蘭呢個名   哈哈   因為同冰姑傾計   佢叫媽咪做阿蘭   咁聽慣聽熟   就好自然叫阿蘭咯 ~

阿蘭又係 TVB 迷   又係想去香港   不過我話香港唔值得去啦   周街都係藥房同金舖   有咩好睇喎   地道小食又買小見小   主題公園又只係得 Ocean Park 同 Disney   真係無咩好玩囉 ~

傾下傾下都差唔多 8 點幾   係時侯出去食嘢喇   豬仔見到冰姑拎袋走   喊到拆天呀   豬女最搞笑   明明唔喊   之後見阿蘭捉住阿哥   佢又喊埋一份   好鬼得意   但千奇唔好以為我帶走佢媽咪就得喇 ~

冰姑帶我地去巴剎食嘢呀   我期待好耐啦   因為我超勁想食地道嘢呀 ~

搵個位坐先

有 d 舖頭都收咗檔 lu   同埋冰姑平時食開嘅海南雞飯都收咗檔   食唔到添

好多舖頭都係得一把風扇吹住   睇見都熱呀

源記正宗菜頭粿 - Fried Carrot Cake  原來即係炒蘿蔔糕

Rojok - 冰姑就我   所以叫小辣   我覺得好味呀   食咗好多 ^^  


冰姑特登叫比我地食   佢又唔食   我地又飽   所以無咩點食囉

冰姑超搞笑啦   食食下嘢無啦啦同里奧大人講   話我肥肥地先好睇   太瘦唔好睇   之後唔記得里奧大人講咩喇   不過我話講咩都無用   冰姑係我嘅人   實會幫我   佢爭在無話我似營養不良咋   嘩哈 ~

食到差唔多 10 點就走喇   咁冰姑帶我地去 ibis Hotel   咁聽日就唔駛再搵   之後就去番 Bugis 站   到咗目的地   里奧大人好自然咁同冰姑講 " 妳走啦 "   佢講呢 3 個字係平音架   我覺得好似 d 人利用完妳   妳好走喇   唔好阻掟咁囉   嘩哈   冰姑都話佢 d 語氣講到 " 呼之則來 揮之則去 " 嘅感覺呀   哈哈   不過我其實知道佢唔想冰姑行咁耐   知佢係汗寶寶嘛   同埋又唔想佢咁夜自己一個人番屋企呢 ~

最搞笑係買車票囉   因為 MRT 有綠線藍線   冰姑叫我地搭藍線   話近 d 喎   咁買飛啦   佢話我地買咗綠線   又係佢教我地去買飛嘅   之後仲搞笑   里奧大人再睇個 Map   話綠線近好多   咁冰姑又話係呀係呀   笑爆咀   我同里奧大人講   佢係咁上下架喇   哈哈 ~

去到 MRT 都 10 點 15 分喇

由 Bugis 去 Sentosa 都唔係好耐   但天氣太熱   所以個人真係好鬼攰   番到酒店都係第一時間去沖涼   間房冷氣又夠凍   真係人間天堂呀 ~

唔凍嘅雪柜

椰子汁都唔好飲嘅

冰姑買比我同里奧大人嘅手信   太客氣啦   haiz

今晚都係 11 點幾瞓喇   張床真係好鬼舒服   一上床就好想瞓呢 ~

呢日行程完畢 ^^