熱熱熱。新加坡吃喝玩樂 4 天團 + 2 天自由行 Day 4 (Part 3/3) ( 3-JUN-2014 )

繼續行程  ( 3-JUN-2014  Day 4 Part 3/3 )

我地都番酒店沖個涼   休息下先   今晚冰姑約埋朋友 Carmen 一齊同我地食呀 ~~

見到 UFO   哈哈

睇見都熱   哈

因為我着背心裙   所以我實會着中袖外套   里奧大人問我係咪唔舒服   冰姑見到我又問我係咪唔舒服   哈哈   咁又係喎   咁鬼熱仲着外套 ~

冰姑帶我地去食嘢   不過我唔知食咩架   行行行   上上落落兜下圈咁   行咗都有半個鐘呀   勁熱勁攰呀   不過冰姑又無咩嘢喎   無計啦   我 d 肥人最驚行家嘛   哈哈 ~

原來去 Peperoni Pizza   冰姑話呢間唔比 book 位   所以我地要 walk in   等咗好似半個鐘   之後 Carmen 都黎埋喇 ~

之前同 Carmen WeChat 過一次   衰冰啦   話我整爆泥硬崩崩   咁 Carmen 係整餅師傅   所以佢教我點焗 Brownies   非常感激佢呀   等我搵日再焗下先   希望成功啦   哈 ~

一路食一路傾   好開心呀   初初里奧大人好驚全女班架   不過 Carmen 又係爽朗型   所以都無悶場   佢又係 TVB 迷   但我都係果句啦   香港真係無咩好玩囉 ~

真係比個冰姑嚇暈   叫咗 1 Jar Hoegaarden   同埋特登叫 1 杯大啤酒比里奧大人飲   因為之前成日同佢講   話黎新加坡要佢帶我飲德啤嘛   但佢太睇得起我地啦 ~

冰姑叫我揀 pizza   我同里奧大人講話 menu 都無 pizza   原來呢個就係 pizza menu   大鄉里   哈哈

Hoegaarden ( 50cl  SGD 15 ) - 冰姑特登 order 比里奧大人架   因為佢話用呢隻杯飲先夠豪   哈哈   之後佢就斟杯細嘅比我

我同里奧大人唔飲得咁多架   咁 last order 佢再想 order 2 jar   好在 Carmen stop 佢   改為 1 jar 咋   大佬   我飲 1 杯已經係 1 年嘅份量   里奧大人又已經飲咗 2 大杯   佢都覺得係極限架喇

大中細

老實講   Hoegarrden 真係好好飲   入口唔苦   我平時飲啤酒   真係幾啖就唔飲架   但今次勁啦   飲咗 1 杯   冰姑話係橙皮汽水喎   唔會飲醉人   但話時話   真係飲完都唔覺眼瞓喎

Funghi e Pollo ( SGD 20 ) - 冰姑一早已經 send 咗相比我   話到時要食呢個大菇   哈

Deep Fried Chicken Wings ( SGD 8 ) - 熱辣辣真係好好嘅   不過我覺得好鹹呀

9" Pepperoni ( SGD 19 ) - 好味道   我鍾意食 Pepperoni

Aglio Olio e Peperoncino ( SGD 18 ) - 我想食好耐架喇   估唔到冰姑會叫呢個意粉   聽到勁開心   哈哈   真係好香蒜味   雖然油咗 d   都好好食

呢個係 Carmen 架   我唔知叫咩名添

我真係好小咁樣同朋友飲酒傾計   我驚飲完好眼瞓   但 "豪花園" 又 ok 喎   唔會飲到眼瞓同埋要去廁所   hey   冰姑飲大咗啦   嘩哈   講咗好多嘢   不過我同里奧大人都好開心   可以同佢一齊分憂   呻出黎真係舒服好多架 ~

對腳斷咁滯   所以我叫里奧大人同冰姑講   話佢想打的番酒店   嘩哈哈   不過里奧大人好老實講話我唔掂   要打的番酒店   Carmen 同埋我地一齊去 Bugis   仲以為佢兜我地番酒店   原來佢之後同冰姑飲花酒   呵呵   咁我地都唔阻佢地傾心事喇   今次打的 SDG 8.95   其實真係同香港差唔多價錢   不過冰姑話的士分好多型號嘅車   收費都唔同架   有 Benz 有 Hydan 有 Toyota   咁坐 Benz 都知道實貴啦   哈哈   好在佢講一講   唔係我地咩車都會上囉 ~

番到酒店又係即沖涼   間酒店真係好細   開咗兩個喼都無地方行   其實咁又好喎   一定唔會拎哂 d 嘢出黎   仍都一定唔會買完 d 嘢周圍放   哈哈 ~

今晚 12 點幾先瞓呀   唔知係咪飲咗啤酒   個肚脹脹咁 ~

呢日行程完畢 ^^